જાહ્નવી કપૂર તેના જિમ લુક્સને લઈને હમેશાં ચર્ચામાં રહે છે, પરંતુ તે ટ્રેડિશનલ કપડામાં પણ ઘણી જ ગ્લેમરસ લાગે છે. હાલમાં જ જાહ્નવીએ સોશિયલ મીડિયા એકાઉન્ટ પર પિંક કલરની સાડીમાં કેટલીક તસવીરો શેર કરી છે. આ ટ્રેડિશનલ ગેટઅપમાં જાહ્નવી ખૂબ જ સુંદર લાગી રહી છે.
પિંક સાડી સાથે જાહ્નવીએ વર્કવાળું સ્લીવલેસ બ્લાઉઝ પહેર્યું છે. જ્વેલરીમાં તેણે માંગટીકો અને હાથમાં બેંગલ્સ પહેરી છે. ઓપન હેર સાથે તે આ લુકમાં ખૂબ જ ગોર્જિયસ લાગી રહી છે.
તેણે અલગ-અલગ પોઝમાં તસવીરો શેર કરતાં લખ્યું, 'શું હું હમેશાં સાડીમાં રહી શકું છું'.
ચાહકોને તેનો આ લુક ખૂબ જ પસંદ આવી રહ્યો છે. 1 જ કલાકની અંદર તેના આ ફોટોઝને 30 હજારથી વધુ લાઈક્સ મળ્યા છે. ફેન્સ તેની પ્રસંશા કરી રહ્યા છે.
આ પહેલાં પણ જાહ્નવી ઘણીવાર સાડીનો લુક કેરી કરી ચૂકી છે. તેણે એકવાર સફેદ સાડીમાં મોમ શ્રીદેવીનો લુક કેરી કર્યો હતો. એ વખતે પણ ચાહકોએ તેની ખૂબ પ્રસંશા કરી હતી.
વર્કફ્રંટની વાત કરીએ તો ટૂંક સમયમાં જાહ્નવી પાયલટ ગુંજન સક્સેનાની બાયોપિકમાં જોવા મળશે. ફિલ્મમાં જાહ્નવીનો ફર્સ્ટ લુક સામે આવી ચૂક્યો છે. જાહ્નવી સોશિયલ મીડિયા પર ઘણી જ એક્ટિવ રહે છે અને અવાર-નવાર અપડેટ કરતી રહે છે.