જાહ્નવી કપૂર સ્ટારર ફિલ્મ 'ગુડ લક જૈરી' (Good Luck Jerry)ની આજથી પંજાબમાં શૂટિંગ શરૂ થઈ ગઈ છે. આ ફિલ્મનો પહેલો શેડ્યૂલ માર્ચ સુધી ચાલશે, જે રવિવારથી શરૂ થયો છે, પરંતુ પંજાબનાં બસ્સી પઠાનામાં શરૂ થયેલા આ ફિલ્મના શૂટિંગના પહેલાં જ દિવસે કલાકારોને ખેડૂતનાં વિરોધનો સામનો કરવો પડ્યો છે. મળતી માહિતી પ્રમાણે, આ વિરોધને કારણે શૂટિંગ પણ રોકવી પડી છે. જે ફક્ત જાહ્નવી કપૂર દ્વારા ખેડૂતોના આંદોલનનું સમર્થન કર્યા બાદ જ શરૂ થઇ શકી.
જાહ્નવી કપૂર સ્ટારર ફિલ્મ 'ગુડ લક જૈરી'ની પંજાબમાં શૂટિંગ શરૂ થઈ ગઈ છે
આ ફિલ્મનો પહેલો શેડ્યૂલ માર્ચ સુધી ચાલશે
આ ફિલ્મના શૂટિંગના પહેલાં જ દિવસે કલાકારોને ખેડૂતનાં વિરોધનો સામનો કરવો પડ્યો છે
મળતી માહિતી અનુસાર, ફિલ્મ 'ગુડ લક જૈરી'ની શૂટિંગ માટે પહોંચેલી ટીમનેઆંદોલનકારીઓ રોકી લીધા. આ બાદ ખેડૂતોને મનાવવાનો ઘણો પ્રયાસ કરવામાં આવ્યો, જે બાદ જાહ્નવી કપૂરે ખેડૂત આંદોલનનાં પક્ષમાં તેના ઇન્સ્ટાગ્રામ પેજ પર પોસ્ટ શેર કરી અને એ પછી ફિલ્મનું શૂટિંગ શરૂ કરી શકાયુ
આ ઘટના રવિવારની છે જ્યારે ફિલ્મ 'ગુડ લક જૈરી'ની શૂટિંગ શરૂ થવાની હતી. આ દરમિયાન અહીં ખેડૂત આંદોલનથી જોડાયેલાં યુવાઓનું એક જૂથ પહોંચી ગયું. યુવાનોએ કૃષિ કાયદાનો વિરોધ કરતાં કેન્દ્ર સરકારની સાથે બોલિવૂડ કલાકારોનો વિરોધ નારાબાજી કરી હતી. આ આંદોલનકારીઓનું કહેવું હતું કે, પંજાબી ફિલ્મ ઇન્ડ્સ્ટ્રીમાં લોકો તેમનો સાથ આપી રહ્યાં છે., પણ બોલિવૂડ સ્ટાર્સ અહીં શૂટિંગ માટે આવે છે અને જતાં રહે છે. આ હંગામો સતત ચાલ્યો રહ્યો. બાદમાં જાહ્નવી કપૂરે ખેડૂત આંદોલનનાં સમર્થનમાં જ્યારે તેના ઇન્સ્ટાગ્રામ પર પોસ્ટ શેર કરી ત્યારે હંગામો રોકાયો હતો.
આનેદ રાયનાં પ્રોડક્શનમાં બની રેહલી આ ફિલ્મને સિદ્ધાર્થ આનંદ ડિરેક્ટ કરશે. ફિલ્મમાં દીપક ડોબ્રિયાલ, મીતા વશિષ્ઠ, નીરજ સૂદ અને સુશાંત સિંહ જોવા મળશે. ફિલ્મને કલર યેલો પ્રોડક્શન, લાયકા પ્રોડક્શન અને સનડાયલ એન્ટરટેઇનમેન્ટ પ્રોડ્યૂસ કરી રહ્યાં છે.
વર્કફ્રંટની વાત કરીએ તો, જાહ્નવી છેલ્લે IAF પાયલોટ ગુંજન સકસેના પર બનેલી ફિલ્મમાં જોવા મળી હતી. આ સિવાય તે હવે દોસ્તાના 2માં જોવા મળશે. જેમાં તેની સાથે કાર્તિક આર્યન અને લક્ષ્ય છે. તે રાજકુમાર રાવ સાથે પણ ફિલ્મ રૂહ અફ્ઝામાં કામ કરી રહી છે. જાહ્નવી કરણ જોહરની ફિલ્મ 'તખ્ત'નો પણ ભાગ છે. જેમાં તેની સિવાય કરીના કપૂર, અનિલ કપૂર, આલિયા ભટ્ટ, રણબીર સિંહ, ભૂમિ પેડનેકર અને વિકી કૌશલ પણ છે.