બોલિવૂડ એક્ટ્રેસ જાહ્નવી કપૂરે 2018માં ફિલ્મ 'ધડક'થી બોલિવૂડ કરિયરની શરૂઆત કરી હતી. ત્યારબાદ તે તેના અપકમિંગ પ્રોજેક્ટ્સને લઈને ઘણી ચર્ચામાં છે. ગુંજન સક્સેનાની બાયોપિકમાં તે જોવા મળશે. એક રિપોર્ટની માનીએ તો જાહ્નવી હવે સાઉથ ઈન્ડસ્ટ્રીમાં પણ ડેબ્યૂ કરવા જઈ રહી છે. તે સાઉથના સુપરસ્ટાર વિજય દેવરકોન્ડાની સાથે કામ કરી શકે છે.
સાઉથમાં ડેબ્યૂ કરશે જાહ્નવી
સાઉથના સુપરસ્ટાર વિજય દેવરકોન્ડાની સાથે કામ કરી શકે છે
આ ફિલ્મ માટે સૌથી પહેલાં આ હિરોઈનને એપ્રોચ કરાઈ હતી
રિપોર્ટ્સ મુજબ, પુરી જગન્નાથની ફિલ્મમાં જાહ્નવી કપૂર અને વિજય દેવરકોન્ડા રોમાન્સ કરતા જોવા મળશે. હાલ ફિલ્મનું નામ 'ફાઈટર' રાખવામાં આવ્યું છે. તમને જણાવી દઈએ કે આ ફિલ્મ માટે હિરોઈન તરીકે જાહ્નવી કપૂર પહેલી પસંદ નહોતી. એ પહેલાં કિઆરા અડવાણી અને આલિયા ભટ્ટને આ રોલ ઓફર કરવામાં આવ્યો હતો. પરંતુ બંનેએ ફિલ્મ કરવાનો ઈન્કાર કરી દીધો હતો.
સોર્સ મુજબ, આલિયા ભટ્ટ અને અનન્યા પાંડેને પણ આ રોલ માટે એપ્રોચ કરવામાં આવી હતી. જોકે, કંઈ વાત બની નહોતી. ત્યાર પછી કરણ જોહરે ફિલ્મ માટે જાહ્નવીનું નામ સજેસ્ટ કર્યું. જોકે, હાલ અન્ય પ્રોજેક્ટ્સમાં વ્યસ્ત હોવાને કારણે આ ફિલ્મનું શૂટિંગ શરૂ કર્યું નથી. તે ફેબ્રુઆરી 2020માં ફિલ્મનું શૂટિંગ શરૂ કરી શકે છે. જોકે, આ પ્રોજેક્ટ માટે અત્યાર સુધી એક્ટ્રેસ અથવા ફિલ્મના ડિરેક્ટરે કોઈ ઓફિશિયલ જાહેરાત કરી નથી.
જાહ્નવી કપૂર પાસે છે આ પ્રોજેક્ટ્સ
જાહ્નવીના વર્ક ફ્રંટની વાત કરીએ તો તે ગુંજન સંક્સેનાની બાયોપિકમાં લીડ રોલ પ્લે કરતી જોવા મળશે. આ સિવાય તે રાજકુમાર રાવ સાથે 'રૂહઅફજા'માં પણ જોવા મળશે. એવી પણ ચર્ચા છે કે તો કરણ જોહરની ફિલ્મ 'તખ્ત'માં પણ જોવા મળી શકે છે.