એવું લાગે છે કે, હવે બોલિવૂડનું વધુ એક કપલ અલગ થઈ ગયું છે. કરણ જોહરની સાથે ફિલ્મ ધડકમાં જાહ્નવી કપૂર અને ઈશાન ખટ્ટરે સાથે કામ કર્યું હતું. આ બંને સ્ટાર્સના રિયલ લાઈફમાં અફેર હોવાની ચર્ચા હતી. જોકે, હાલની એક રિપોર્ટ મુજબ આ કપલનું બ્રેકઅપ થઈ ગયું છે. આ બંનેએ અલગ થવાનો નિર્ણય લીધો છે. આ બંને હાલ કરિયર અને કામ પર ધ્યાન આપવા માંગે છે.
ફિલ્મ ધડકમાં ઈશાન અને જાહ્નવીએ સાથે કામ કર્યું હતું
રિપોર્ટ મુજબ એક પ્રમોશન ઈવેન્ટમાં જાહ્નવીએ હાજરી આપી ત્યારે ત્યાં ઈશાન ખટ્ટર આવી જવાથી તે અનકમ્ફર્ટેબલ થઈ ગઈ હતી. એવું પણ જાણવા મળ્યું છે કે અલગ થવાનો નિર્ણય જાહ્નવીએ લીધો છે. જોકે, જાહ્નવી અને ઈશાને ક્યારે તેમની રિલેશનશિપને સ્વાકારી નથી, પરંતુ આ બંનેના ડેટિંગની ખૂબ ચર્ચાઓ થઈ છે.
જ્યારે જાહ્નવીને એક ચેટ શોમાં ઈશાનને ડેટ કરવા વિશે પૂછવામાં આવ્યું તો તેણે ઈન્કાર કરી દીધો, પરંતુ તેના ભાઈ અર્જુન કપૂરે કહ્યું હતું કે ઈશાન હમેશાં જાહ્નવી કપૂરની આસપાસ રહે છે. એટલું જ નહીં જાહ્નવીના પિતા બોની કપૂરે પણ કહ્યું કે તેઓ જાહ્નવી અને ઈશાનની મિત્રતાનું સન્માન કરે છે.
આ ફિલ્મોમાં જોવા મળશે
વર્ક ફ્રંટની વાત કરીએ તો જાહ્નવી હવે ફિલ્મ ગુંજન સક્સેનામાં લીડ રોલમાં જોવા મળશે. આ સિવાય તે ફિલ્મ દોસ્તાના 2માં કાર્તિક આયર્ન સાથે, રૂહ અફઝામાં રાજકુમાર રાવ સાથે અને કરણ જોહરની મલ્ટી સ્ટારર ફિલ્મ તખ્તમાં પણ જોવા મળશે. જ્યારે ઈશાન ખટ્ટર ખાલી-પીલી ફિલ્મમાં અનન્યા પાંડે સાથે જોવા મળશે.