રાજ્યમાં પેટ્રોલ ડીઝલના ભાવ ભડકે ભળી રહ્યા છે એવામાં આજે ફરી પેટ્રોલ ડીઝલની કિંમતોમાં વધારો થયો છે.
પેટ્રોલ-ડીઝલના ભાવમાં ફરી વધારો
રાજ્યમાં ઈંધણના ભાવોમાં ભડકો યથાવત
મોટા શહેરોમાં ફરી વધ્યા ઈંધણના ભાવ
રાજ્યમાં પેટ્રોલ ડીઝલના ભાવ ભડકે ભળી રહ્યા છે સતત વધતા જતા ઈંધણના ભાવોએ સામાન્ય માનવીની કમર તોડી નાખી હોય તેવો અહેસાસ થઈ રહ્યો છે જનતાએ એક તરફ મોંઘવારીનો માર સહન કરવો પડી રહ્યો છે તો બીજી તરફ ઈંધણના ભાવે આકાશને આંબી રહ્યા છે પેટ્રોલ ડીઝલના વધતા ભાવને લઈ જનતા હેરાન પરેશાન થઈ ગઈ છે. એવામાં આજે ફરી પેટ્રોલ ડીઝલની કિંમતોમાં વધારો થયો છે.
મોંઘવારીનો વધુ એક માર જનતા પરેશાન
પેટ્રોલના ભાવમાં 41 પૈસાનો વધારો જ્યારે ડીઝલના ભાવમાં 35 પૈસાનો વધારો કરવામાં આવ્યો છે. અમદાવાદમાં પેટ્રોલમાં 34, ડિઝલમાં 28 પૈસા વધ્યા છે જ્યારે ભાવ વધારો થતા શહેરમાં આજે પેટ્રોલના ભાવમાં 97.73 પ્રતિ લિટર જ્યારે ડિઝલ રૂ.96.80 પ્રતિ લિટર મોંઘુ થયું છે આ તરફ અન્ય મોટા શહેરમાં પણ ભાવ વધારો ઝીંકાયો છે જેમાં સુરત, રાજકોટ, વડોદરા જેવા મહાનગરોમાં પણ ઈંધણના ભાવમાં ધરખમ વધારો નોંધાયો છે.
મોટા શહેરોમાં ઈંધણના ભાવ
રાજ્યના પાટનગગર ગાંધીનગરમાં પેટ્રોલની કિંમતમાં પ્રતિ લિટરે 97.95 રૂપિયા તો ડિઝલની કિંમતમાં 97.02 રૂપિયાનો વધારો કરાયો છે જ્યારે રાજકોટમાં પેટ્રોલની કિંમતમાં પ્રતિ લિટરે 97.52 રૂપિયા અને ડિઝલની કિંમત પ્રતિ લિટરે 96.62 રૂપિયાનો વધારો કરવામાં આવ્યો છે વડોદરામાં પેટ્રોલના ભાવમાં 97.42 રૂપિયા અને ડિઝલની 96.49 રૂપિયાનો વધારો કરવામાં આવ્યો છે જ્યારે જામનગરમાં પણ ભાવ વધારો લાગું કરાયો છે જેમાં પેટ્રોલમાં 97.67 રૂપિયા જ્યારે ડિઝલ 96.75 રૂપિયા મોંઘુ મળી રહ્યું છે.
ઈંધણના ભાવમાં સતત વધારો
આ તરફ જૂનાગઢમાં પણ પેટ્રોલના ભાવ 98.35 રૂપિયા તો ડિઝલના 97.44 રૂપિયા પાર પહોંચ્યા છે. જ્યારે સુરતમાં પેટ્રોલના ભાવ 97.76 રૂપિયા અને ડિઝલના ભાવ 96.86 રૂપિયા સુધી પહોંચી છે. ભાવનગરમાં પણ પેટ્રોલની કિંમત 99.32 રૂપિયા થઈ છે જ્યારે ડિઝલની કિંમત 98.38 રૂપિયા પાર પહોંચી છે.
દર રોજ સવારે 6 વાગે બદલાય છે કિંમતો
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડના ભાવ શુ છે. આ આધારે રોજ પેટ્રોલ અને ડીઝલના ભાવમાં ફેરફાર થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવાનું કામ તેલ કંપનીઓ કરે છે. ડીલર પેટ્રોલ પંપ ચલાવનારા લોકો છે. તે પોતાને રિટેલ કિંમતો પર ઉપભોક્તાઓને અંતમાં ટેક્સ અને પોતાના માર્જિનને જોડ્યા બાદ પેટ્રોલ વેચે છે. પેટ્રોલ - ડીઝલમાં આ કોસ્ટ પણ જોડાઈ જાય છે.
જાણો તમારા શહેરમાં કેટલો છે ભાવ
પેટ્રોલ-ડિઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.