રેપ પીડિતાએ કહ્યું છોકરીઓ છોકરાઓને રેપ માટે ઉશ્કેરે છે
સીએમ નીતિશ કુમારે ત્વરિત કાર્યવાહીનો આદેશ આપ્યો
બિહારના મુખ્યમંત્રી નીતિશ કુમારે આજે રાજ્યમાં જનતા દરબાર યોજ્યો હતો જેમાં રેપ પીડિતા ફરિયાદીએ નીતિશ કુમારને એવું જણાવ્યું કે અમે ડીજીપી પાસે મદદની અપીલ કરી હતી તો તેમણે કહ્યું કે છોકરીઓ જ છોકરાઓને રેપ માટે ઉશ્કેરે છે. આવી સ્થિતિમાં અમે શું કરીએ.
જનતા દરબારમાં રેપ પીડિતાએ સીએમને સંભળાવ્યું
પીડિતાતએ સીએમ નીતિશને કહ્યું હતું કે મેં રુપસપુર થાણામાં રેપની ફરિયાદ દાખલ કરાવી હતી પરંતુ કોઈ કાર્યવાહી થઈ નહોતી. હવે તો આઈઓ અને થાણેદાર ફોન સુદ્ધા ઉઠાવતા નથી. પીડિતાએ કહ્યું કે હું જ્યારે રેપની ફરિયાદ લઈને ડીજીપી પાસે પહોંચી ત્યારે ઉલટાનું તેમણે મારી પર આરોપ લગાવી દીધો હતો. આરોપ છે કે ડીજીપીએ કહ્યું કે છોકરીઓ જ રેપ માટે જવાબદાર છે. તેમણે તો ત્યાં સુધી કહી દીધું કે છોકરીઓ જ તેને માટે છોકરાઓને ઉશ્કેરે છે. આવામાં મારી પાસે આપઘાત કરવા સીવાય બીજો કોઈ માર્ગ નથી.
રેપ પીડિતાના સીધા આરોપ બાદ નીતિશ કુમારે ડીજીપીને ફોન ઘુમાવ્યો
રેપ પીડિતાના સીધા આરોપ બાદ સીએમ નીતિશ કુમાર ચોંકી ઉઠ્યાં હતા અને તેમણે તાબડતોબ ડીજીપીને ફોન લગાવ્યો હતો અને તેમણે ખખડાવ્યાં હતા. મુખ્યમંત્રીએ તેમને આ કેસમાં તાત્કાલિક ઘટતું કરવાની તથા તરત કાર્યવાહીનો આદેશ આપ્યો હતો.
બિહારમાં ઘણી ઘુસણખોરી છે સર, તમે કંઈક ધ્યાન આપો
બીજા એક ફરિયાદીએ સીએમ નીતિશ કુમારને જણાવ્યું કે સર બિહારમાં ઘુસણખોરી ઘણી વધારે છે. ઘુસણખોરીથી લોકો પરેશાન છે. આ વાત સાંભળીને નીતિશ કુમારે ઘટતું કરવાની ખાતરી આપી. બીજા ફરિયાદે કહ્યું કે સરકારી જમીન પર કબજો કરી લેવાયો છે અને પ્રશાસન લાચાર છે. મુખ્યમંત્રીએ ફરિયાદને સીધી મહેસૂલ વિભાગના મુખ્ય સચિવને મોકલી આપી હતી.
સર મારા પુત્રનું અપહરણ થયું છે
જનતા દરબારમાં મુઝફ્ફરપુરમાંથી આવેલા વૃદ્ધે જણાવ્યું કે મારા પુત્રનું અપહરણ થયું છે પરંતુ હજુ સુધી પોલીસે કંઈ કર્યું નથી. વૃદ્ધે આરોપ લગાવ્યો છે કે પુત્રને શોધી આપવા બદલ પોલીસે પૈસા માગે છે. આ ફરિયાદ સાંભળીને સીએમ નીતિશ ચોંકી ઉઠ્યાં હતા. અને મુખ્ય સચિવને ગૃહવિભાગને ફોન લગાડીને તાત્કાલિક ઘટતું કરવાનો ઓર્ડર આપ્યો.