હેલ્થ / જાંબુ કે જે છે ડાયાબિટીસનું દુશ્મન! પત્તાથી લઇને છાલ કરે છે ઔષધિનું કામ, સ્વાસ્થ્ય માટે ગજબ ફાયદાકારક

• કાળા જાંબુઔષધીય ગુણોથી ભરપૂર હોય છે
• જાંબુ સ્કીન માટે પણ ખૂબ જ ફાયદાકારક
• સુગરને નેચરલ રીતે કંટ્રોલ કરવા માટે જાંબુ અસરકારક 

કાળા જાંબુ એક એવું ફળ છે જે ઔષધીય ગુણોથી ભરપૂર હોય છે. ખાસ કરીને ડાયાબિટીસના દર્દીઓ માટે કાળા જાંબુ રામબાણ માનવામાં આવે છે. જાંબુ બ્લડ શુગરને કંટ્રોલ કરવામાં ખૂબ જ મદદરૂપ છે. જાંબુ માત્ર ફળ જ નહીં પણ દાળ, પાંદડા અને છાલ પણ ઔષધીય ગુણોથી ભરપૂર હોય છે અને તેનો ઉપયોગ આયુર્વેદિક દવાઓમાં થાય છે. જાંબુનું નિયમિત સેવન હૃદયને સ્વસ્થ રાખવામાં મદદરૂપ છે. એટલું જ નહીં જાંબુ સ્કીન માટે પણ ખૂબ જ ફાયદાકારક છે. જાંબુ પોષક તત્વોથી ભરપૂર ફળ છે.

જાંબુ ખાશો તો થશે 5 મોટો ફાયદા

ડાયાબિટીસ - ખરાબ લાઈફસ્ટાઈલ અને   ખોટા ખાનપાનને કારણે આજકાલ નાની ઉંમરમાં જ ડાયાબિટીસની સમસ્યા થવા લાગી છે.   વધેલા સુગરને નેચરલ રીતે કંટ્રોલ કરવા માટે જાંબુ ખૂબ જ અસરકારક ફળ છે. જાંબુમાં ઓછી ગ્લાયકેમિક સામગ્રી હોય છે જે બ્લડ સુગર લેવલને જાળવી રાખવામાં મદદ કરે છે. જાંબુ ડાયાબિટીસને કારણે વધુ પડતા પેશાબ અને તરસને નિયંત્રિત કરવામાં પણ મદદ કરે છે. જાંબુના બીજ, છાલ અને પાંદડાનો ઉપયોગ ઘણી વાનગીઓમાં થાય છે.

રોગપ્રતિકારક શક્તિ - આજકાલ મોટાભાગના લોકો રોગપ્રતિકારક શક્તિથી પરેશાન છે અને તેઓ રોગપ્રતિકારક શક્તિ વધારવા માટે ઘણું કરે છે. જો તમે પણ રોગપ્રતિકારક શક્તિ વધારવા માંગો છો, તો જાંબુ   શ્રેષ્ઠ વિકલ્પ છે. જાંબુમાં ભરપૂર માત્રામાં તત્વો અને વિટામિન હોય છે જે શરીરની રોગપ્રતિકારક શક્તિને વધારે છે. આ સાથે જ જાંબુમાં સોડિયમ, કેલ્શિયમ, આયર્ન અને કાર્બોહાઈડ્રેટ્સ મળી આવે છે.

હાર્ટ હેલ્થ- જાંબુ   આપણા શરીરના સૌથી મહત્વપૂર્ણ અંગોમાંથી એક એવા હૃદયને સ્વસ્થ રાખવામાં મહત્વપૂર્ણ ભૂમિકા ભજવી શકે છે. તેમાં પોટેશિયમ ભરપૂર માત્રામાં જોવા મળે છે, જે હ્રદયના ધબકારા સામાન્ય બનાવી રાખવામાં મદદ કરે છે. જો તમે તમારા હૃદયને હંમેશા સ્વસ્થ રાખવા માંગતા હોય તો જાંબુનું નિયમિત સેવન ફાયદાકારક સાબિત થઈ શકે છે. પોટેશિયમ હાઈ બ્લડ પ્રેશરથી થતા સ્ટ્રોકના જોખમને ઘટાડવામાં પણ મદદ કરે છે.

કોલોન કેન્સર - જાંબુની અંદર કેન્સર વિરોધી ગુણ પણ જોવા મળે છે. તેને નિયમિત રીતે ખાવાથી આંતરડાના કેન્સરનું જોખમ ઘટી શકે છે. જાંબુમાં ભરપૂર પ્રમાણમાં એન્ટી-ઓક્સીડેન્ટ હોય છે જે ફ્રી રેડિકલ કોષો સામે લડવામાં મદદ કરે છે જે કેન્સર કોષોના વિકાસ માટે જવાબદાર છે. જાંબુમાં હાજર સાયનિડિન કોલોન કેન્સરને રોકવામાં પણ મહત્વની ભૂમિકા ભજવે છે.

સ્કીન- જાંબુનું નિયમિત સેવન સ્કીન માટે પણ ખૂબ ફાયદાકારક બની શકે છે. જાંબુનું નિયમિતપણે સેવન કરવાથી સ્કીનની ચમકમાં વધારો થાય છે.   આ સાથે ત્વચા મુલાયમ થવા લાગે છે. જાંબુમાં એન્ટીઓક્સીડેન્ટ તેમજ વિટામિન સી હોય છે જે ત્વચાને ફાયદો કરે છે. તે ત્વચામાં કોલેજન ફોર્મેશન બનાવવામાં મદદ કરે છે. આ સાથે જ જાંબુ ખાવાથી દાંત અને પેઢા પણ મજબૂત થાય છે.