અકસ્માત / જામનગર નજીક ઇકો કાર અને રિક્ષા વચ્ચે ગમખ્વાર અકસ્માતમાં 2નાં મૃત્યું, 6ને ગંભીર ઇજા

• જામનગર નજીક ઇકો કાર અને રિક્ષા વચ્ચે અકસ્માત
• ઇકો કાર અને રિક્ષા વચ્ચે અકસ્માતમાં બેના મૃત્યું 
• પોલીસે અકસ્માતને લઇને કાર્યવાહી હાથ ધરી
• ઘાયલોને સારવાર અર્થે જી.જી હોસ્પિટલમાં ખસેડાયા

પ્રાપ્ત મળતી વિગત અનુસાર આજે સવારે ગમખ્વાર અકસ્માત સર્જાયો હતો. જેમાં ઇકો કાર અને રિક્ષા વચ્ચે જોરદાર ટક્કર જોવા મળી હતી. આ ટક્કરમાં બે લોકોના ઘટનાસ્થળે મોત નિપજ્યાં હતા. 
 

શહેરની ઠેબાચોકડી પાસે ઇકો કાર અને રિક્ષા વચ્ચે અકસ્માતમાં 6 અન્ય વ્યક્તિઓ ગંભીર ઇજા પહોંચી છે. ઇજાગ્રસ્તોને સારવાર માટે હોસ્પિટલ ખસેડવામાં આવ્યાં છે. આ દૂર્ઘટનાની જાણ પોલીસ ઘટનાસ્થળે પહોંચી હતી. 

ઇકો કાર અને રિક્ષા વચ્ચે અકસ્માત એટલો બધો ભયંકર હતો કે રીક્ષા આખી ચેપાઇ ગઇ હતી. આ દૂર્ઘટનામાં મૃત્યુ પામનાર લોકોના મૃતદેહને પીએમ માટે હોસ્પિટલ ખસેડી પોલીસે  વધુ તપાસ હાથ ધરી છે. 

 

શહેર નજીક બાયપાસ રોડ આવેલ ઠેબા ચોકડી નજીક ઇકો કાર અને રિક્ષા વચ્ચે ટક્કર એટલી ભયંકર હતી કે બે વ્યક્તિઓના ઘટનાસ્થળે જ મૃત્યું થયા હતા. આ અકસ્માત બાદ થોડા સમય માટે આ વિસ્તારમાં અફરાતફરીનો માહોલ જોવા મળ્યો હતો. ઘટનાને પગલે લોકોના ટોળા એકત્ર થઇ ગયા હતા. જો કે પોલીસ ઘટનાસ્થળે પહોંચ્યા બાદ ટ્રાફિકને હળવો કર્યો હતો. 

ઉલ્લેખનીય છે કે ગઇકાલે રાજકોટની ગ્રીનલેન્ડ ચોકડી પાસેના કારના શો રુમ સામે ઓવબ્રિજ પર ટ્રકે બાઇકને ટક્કર મારેત બિહારના એક વ્યક્તિનું ઘટનાસ્થળે મોત નિપજ્યું હતું.