જામનગરમાં નકલી પોલીસના સ્વાંગમાં રૂપિયા પડાવતા બે શખ્સ સકંજામાં

જામનગરમાં નકલી પોલીસ બનીને લોકો પાસેથી રૂપિયા ઉઘરાવતા નકલી PSIઅને નકલી કોન્સ્ટેબલને પોલીસે ઝડપી પાડ્યા છે. આ આરોપીઓ પાસેથી પોલીસને એક એર ગન અને પોલીસની લાકડી તથા ચાર હજારની રોકડ મળી આવી છે. ત્યારે હવે પોલીસે બન્ને શખ્સોના વિરૂદ્ધમાં કાર્યવાહી કરવાહી શરૂ કરી છે. 

મહત્વનુ છે કે જામનગરના લખૌટા તળાવ પાસે છેલ્લા ઘણા સમયથી પોલીસ લોકો પાસેથી રૂપિયા ઉઘરાવે તેવી ઘટનાઓ સામે આવી રહી છે. ત્યારે આ મામલે પોલીસને જાણ થતા પોલીસે તપાસ શરૂ કરી હતી.  આ દરમિયાન પોલીસને જાણ થઈ હતી કે 2 શખ્સો નકલી પોલીસ બનીને લોકો પાસેથી રૂપિયા ઉઘરાવે છે. 

આ ઘટનાની જાણ થતા પોલીસે નકલી પોલીસ બનેલા 2 શખ્સોની ધરપકડ કરીને આગળની તપાસ શરૂ કરી છે.