જામનગર મહાનગર પાલિકાની સામાન્ય ચૂંટણીમાં ઐતિહાસિક જીત બાદ ભાજપાએ આજે વિધિવત રીતે પદાધિકારીઓની જાહેરાત કરી દીધી છે.
જામનગરના મેયર તરીકે બીનાબેન કોઠારીની વરણી
જામનગરના ડેપ્યુટી મેયર બન્યા તપન પરમાર
સ્ટેન્ડિંગ કમિટીના ચેરમેન પદે મનીષ કટારીયાની વરણી
VTVએ દર્શાવેલ તારણો અને પદાધિકારીઓના નામ પર વધુ એક વખત મહોર લાગી છે. જે મુજબ પ્રથમ અઢી વરસ માટે શહેરના પ્રથમ નાગરિક તરીકે બીનાબેન કોઠારીની પસંદગી કરવામાં આવી છે. જયારે ડેપ્યુટી મેયર તરીકે તપન પરમાર અને સ્ટેન્ડીગ ચેરમેન તરીકે મનીષ કટારીયાની પસંદગી કરવામાં આવી છે.
૬૪ બેઠકો પૈકી ૫૦ બેઠકો કબજે કરી
જામનગર મહાનગરપાલિકાની સામાન્ય ચૂંટણીઓમાં ૬૪ બેઠકો પૈકી ૫૦ બેઠકો કબજે કરી તોતિંગ બહુમતી સાથે સતા જાળવી રાખી છે. પ્રસાસન દ્વારા અગાઉથી જ નક્કી કરાયા મુજબ પાંચ વર્ષની શાસન પ્રક્રિયામાં પ્રથમ અઢી વર્ષ માટે મેયર તરીકે સ્ત્રી અનામત અને ત્યારબાદના સમયગાળા માટે એસટી કોર્પોરેટર માટે અનામત રાખવામાં આવી છે. ૨૩મી ફેબ્રુઆરીના આવેલા પરિણામો બાદ અનામતના રોટેશન મુજબ કોણ પદાધિકારી બનશે તેની ચર્ચાઓ તેજ બની હતી.
જ્ઞાતિના સમીકરણને ધ્યાને રાખી પદાધિકારીઓની પસંદગી
કોર્પોરેટર તરીકે સિનીયોરીટી, રાજકીય કારકિર્દી, પ્રજામાં વિશ્વાસ અને પક્ષ થતા કાર્યકર તરીકે કરેલી કામગીરી તેમજ જ્ઞાતિના સમીકરણને ધ્યાને રાખી પદાધિકારીઓની પસંદગીએ ભાજપ હાઈ કમાંડના એથીક્સમાં આવે છે.
VTVએ પ્રથમથી જ મેયર સહિતના પદાધિકારીઓના નામની તરફેણ કરી હતી. એ મુજબ જ આજે નામ જાહેર થયા છે. જેમાં મેયર તરીકે બીનાબેન કોઠારી અને ડેપ્યુટી મેયર તરીકે તપન પરમાર તેમજ સ્ટેન્ડિંગ ચેરમેન તરીકે મનીષ કટારીયાના નામ જાહેર કરવામાં આવ્યા હતા. આ નામ જાહેર થતા જ નવનિયુક્ત પદાધિકારીઓ પર ફૂલહારની વર્ષા કરવામાં આવી હતી. નવી ટીમે વિકાસની રાજનીતિને આગળ ધપાવવા હુકાર ભણી છે. તો બીજી તરફ પદાધિકારીઓની રેસમાંથી ફેકાઈ ગયેલ કોર્પોરેટરોએ કહેવા ખાતર હસતા મોઢા રાખી નવનિયુક્ત ટીમને અભિનંદન આપ્યા હતા