ધારાસભ્યો બાદ જામનગર મનપાના કોર્પોરેટરોના પગારમાં તોતિંગ વધારો

જામનગરઃ ધારાસભ્યોના પગાર વધારા બાદ હવે જામનગર મહાનગરપાલિકા દ્વારા કોર્પોરેટરોના પણ પગારમાં વધારો કરવામાં આવ્યો છે. જામનગરના કોર્પોરેટર પગારમાં 40 ટકાનો તોતિંગ વધારો કરાયો છે. હાલમાં જામનગરના કોર્પોરેટરને 4 હજાર રૂપિયા આપવામાં આવે છે.

પગાર વધારા બાદ હવે કોર્પોરેટરને 10 હજાર રૂપિયા મળશે. કોર્પોરેટરના પગાર વધતા મનપા પર 46 લાખનું ભારણ પડશે. મહાનગરપાલિકા દ્વારા કુલ 16 વોર્ડના 64 કોર્પોરેટરોના પગારમાં વધારો કરવામાં આવ્યો છે.

ઉલ્લેખનીય છે કે થોડા સમય અગાઉ જ રાજ્યના તમામ ધારાસભ્યોનો પગાર વધારો કરવામાં આવ્યો હતો. ત્યારે હવે જામનગર કોર્પોરેટરના પગારમાં વધારો કરવામાં આવ્યો છે. જામનગર મહાનગરપાલિકા દ્વારા નિર્ણય લેવામાં આવ્યો છે. કોર્પોરેટરોના પગારમાં 40 ટકાનો તોતિંગ વધારો કરવામાં આવ્યો છે.