જામનગરમાં કચરો ઉપાડતી ગાડીમાં કચરાનું વજન વધારે કરવા ગાડીમાં માટી અને પથ્થર ભરવામાં આવતા હોવાની એક ચોંકાવનારી ઘટના સામે આવી છે.
જામનગર મહાનગરપાલિકા વિવાદમાં આવી
કચરો ઉપાડતી ગાડીમાં ભરાય છે માટી અને પથ્થર
સ્થાનિકોએ જામનગર મનપા પર આક્ષેપ કર્યા
જામનગર મહાનગરપાલિકા વિવાદમાં સપડાઇ છે. JMCની કચરો ઉપાડતી ગાડીમાં માટી અને પથ્થરો ભરાય છે. કચરાની ગાડીમાં માટી અને પથ્થર ભરાતો હોવાનો વીડિયો સોશિયલ મીડિયામાં વાયરલ થયો છે જેના લીધે જામનગર મનપા વિવાદમાં આવી છે.
કચરો ઉપાડવા પ્રાઈવેટ કંપનીઓને કોન્ટ્રાક્ટ
સ્થાનિકોએ જામનગર મહાનગરપાલિકા પર આક્ષેપ કર્યા છે. JMC માટી અને પથ્થરના વજનના રૂપિયા ચૂકવતું હોવાનો સ્થાનિકો આક્ષેપ કરી રહ્યાં છે. દરવર્ષે શહેરમાંથી કચરો ઉપાડવા JMC કરોડો રૂપિયા ચૂકવે છે. મહત્વનું છે કે, કચરો ઉપાડવા પ્રાઈવેટ કંપનીઓને કોન્ટ્રાક્ટ આપવામાં આવ્યો છે. જેમાં કચરાના વજનના આધારે રૂપિયાની ચૂકવણી કરવામાં આવે છે. ત્યારે કચરાનું વજન વધારે કરવા ગાડીમાં માટી અને પથ્થર ભરવામાં આવે છે. થોડા સમય પહેલાં પણ એક વિપક્ષ નેતાએ માટી અને પથ્થરથી ભરેલી ગાડી ઝડપી હતી.
સળગતા સવાલ
કોન્ટ્રાક્ટર વિરુદ્ધ કાર્યવાહી ક્યારે કરવામાં આવશે?
કેટલા સમયથી કોન્ટ્રાક્ટર પથ્થર અને માટી આપે છે?
કચરો ચેક કરનારાને માટી અને પથ્થર દેખાતા કેમ નથી?
JMCમાં થતો ભ્રષ્ટાચાર ક્યારે બંધ થશે?
આ કોન્ટ્રાક્ટર વિરુદ્ધ દાખલારૂપ કાર્યવાહી ક્યારે થશે?