કાર્યવાહી / ભૂ-માફિયા જયેશ પટેલ કેસઃ ગુજસીકોટ કાયદા હેઠળ ધરપકડ કરાયેલા વકીલ માનસાતાના 5 દિવસના રિમાન્ડ મંજૂર

• જામનગરમા ભૂ-માફિયા જયેશ પટેલ કેસ મામલો
• આરોપી વકીલ વસંતરાય માનસતાના 5 દિવસના રિમાન્ડ મંજૂર
• ગુજસીકોટ કાયદામાં આરોપી એડવોકેટની કરાઈ હતી ધરપકડ

બહુચર્ચિત ગુજસીકોટ કાયદા હેઠળ જામનગર પોલીસના ઓપરેશન જયેશ પટેલનો મામલે ભુમાફિયા સાથે સંકળાયેલ વકીલ વસંતરાય માનસાતાની ધરપકડ કરાઇ હતી. વકીલ માનસાતા અને જયેશ પટેલ સામે 4 ગુના નોંધાયા છે. જયેશના જમીન કૌભાંડમાં માનસાતા વકીલની ભૂમિકામાં હતો. ગુજસીટોક ફરિયાદમાં પણ વકીલ માનસાતાનું નામ પણ છે. 

આરોપી વકીલ વસંતરાય માનસતાના 5 દિવસના રિમાન્ડ મંજૂર

વકીલ વસંતરાય માનસાતાની આજે PI નિનામા અને પોલીસ અધિક્ષક નિતેષ પાંડેએ 13 દિવસના રિમાંડની માંગણી કરી હતી, જોકે રાજકોટની સ્પે. ગુજસીકોટ કોર્ટે 5 દિવસના રિમાન્ડ મંજૂર કર્યા છે. આ પોલીસ રિમાન્ડમાં મહત્વની કડીઓ બહાર આવી શકે છે.

આ કેસમાં જયેશ સહિત ત્રણ આરોપી હજુ ફરાર

જયેશ પટેલ સહિત 14 સામે ગુજસીટોક હેઠળ ફરિયાદ નોંધાયેલી છે. ત્યારે વકીલ માનસાતાની ધરપકડ સાથે ધરપકડનો આંક 11 પર પહોંચ્યો છે, જોકે હજુ આરોપી જયેશ પટેલ, રમેશ અભંગી અને સુનિલ ચાંગણી ફરાર છે.