જામનગરના નવ નિયુક્ત એસપી દિપેન ભદ્રને જોરદાર સપાટો બોલાવ્યો છે. જામનગરના ભૂમાફિયા જયેશ પટેલની સામે કાર્યવાહી કરવામાં આવી રહી છે. ATSએ જયેશ પટેલ ગેંગના 13 સાગરિતો સામે કાર્યવાહી હાથ ધરતા આ આરોપીઓ સામે ગુજસીટોક હેઠળ ગુનો નોંધ્યો છે. જોકે ગુજરાત રાજ્યમાં ગુજસીટોક એકટ હેઠળ આ પાંચમી ફરિયાદ નોંધાઈ છે. મહત્વનું છે કે, આ ગુજસીટોક કાયદામાં 10 વર્ષથી જનમટીપની જોગવાઇ છે.
જામનગરના કુખ્યાત જયેશ પટેલ સામે ગાળિયો કસાયો
જયેશ પટેલ ગેંગના 13 સાગરિતો સામે કાર્યવાહી
અત્યાર સુધી 8 આરોપીઓની ધરપકડ કરાઈ: દિપેન ભદ્રન
જામનગરમા કુખ્યાત જયેશ પટેલ સહિત ગેંગના 14 લોકો સામે ગુજસીટોક એકટ હેઠળ ફરિયાદ નોંધાઈ છે. જામનગરના કુખ્યાત ડોન જયેશ પટેલની ગેંગ સામે અસંખ્ય ગુનાઓ નોંધાયેલા છે. જેમાં અપહરણ, હત્યાનો પ્રયાસ, હત્યા, જમીન પચાવવી સહિતના ગંભીર ગુનાઓ નોધાયેલા છે. જામનગના એસપી દિપેન ભદ્રનના માર્ગદર્શન હેઠળ આ ફરિયાદ નોંધાઈ છે.
જામનગરમાં પ્રથમ વખત ગુજસીટોક અંતર્ગત ગુનો: દિપેન ભદ્રન
જામનગરના નવ નિયુકત એસપી દિપેન ભદ્રને આ અંગે જણાવ્યું હતું કે, એક આરોપી જેલમાં બંધ છે. આરોપીઓની પૂછપરછ હાથ ધરાશે. અત્યાર સુધી 8 આરોપીઓની ધરપકડ કરવામાં આવી છે. વધુ તપાસ માટે આરોપીઓના રિમાન્ડ માંગીશું. જામનગરમાં પ્રથમ વખત ગુજસીટોક અંતર્ગત ગુનો દાખલ કરવામાં આવ્યો છે. ભૂમાફિયા જયેશ પટેલ સહિત 13 સામે કાર્યવાહી કરવામાં આવી છે. FIR આધારે વધુ કાર્યવાહી હાથ ધરીશું. એક સાગરિત મહેન્દ્રસિંહ જાડેજા હાલ જેલમાં છે.
ભાજપના કોર્પોરેટર અને બિલ્ડર સહિત 8ની ધરપકડ કરાઇ
ATSએ ભાજપના કોર્પોરેટર અતુલ ભંડેરી અને બિલ્ડર નિલેશ ટોળિયાની પણ ધરપકડ કરી હતી. ત્યારબાદ કુખ્યાત જયેશ પટેલ ગેંગના વધુ 2 શખ્સો ઝડપાયા હતા. ATS અને જામનગર પોલીસે અનવર ઉર્ફે અનીયો અને એજાઝ મામાની રાજકોટ-જામનગર રોડ ધરપકડ કરી હતી. આ ઝડપાયેલા શખ્સોની અનેક ગુનામાં સંડોવણી ખુલી છે. ખંડણી, મારામારી, ફાયરિંગ, મિલકત પડાવવાના ગુનાઓમાં સંડોવણી થઇ છે. અનીયો નામના શખ્સ સામે અલગ અલગ સ્થળે 17 ગુનાઓ નોંધાયેલા છે. તો બીજા ઝડપાયેલા એજાઝ નામના શખ્સની 8 ગુનાઓમાં સંડોવણી છે.
મહત્વનું છે કે, સાંસદ પરિમલ નથવાણીની ફરિયાદ બાદ પોલીસ એક્શન મોડમાં આવી છે. પોલીસ જયેશ પટેલ ગેંગના એક પછી એક સાગરીતોને ઝડપી રહી છે.
જામનગરમાં જયેશ પટેલ મુદ્દે પરિમલ નથવાણીનુ ટ્વિટ
જામનગરમાં જયેશ પટેલ મુદ્દે પરિમલ નથવાણીએ ટ્વિટ કરીને SP દીપેન ભદ્રનને અભિનંદન આપ્યા છે. ગુજસીટોક એક્ટ હેઠળ કર્યવાહી બદલ અભિનંદન આપતા લખ્યું કે, જયેશ પટેલ ગેંગ સામે SPએ તાત્કાલિક એક્શન લીધા.
I congratulate #Jamnagar SP Deepan Bhadran & team for taking swift action against Jayesh Patel's #mafia gang. For 1st time GujCTOC Act has been used against them. Range IG Sandeep Singh's support is welcome. People are feeling safer & wish Jayesh Patel is arrested soon. @CMOGujpic.twitter.com/iUPMg1QknC