આદેશ / જામનગર ખાતે વધુ 2 પીઆઇની નિમણૂંકના સ્પેશ્યલ ઓર્ડરથી પોલીસ બેડામાં ચર્ચા શરૂ

• જામનગરમાં વધુ બે PIની નિમણૂંકના સ્પેશ્યલ ઓર્ડર
• એસ.પી. તરીકે દિપેન ભદ્રનની નિમણૂંક બાદ વધુ એક આર્ડર 
• આણંદના PI કે.જી.ચૌધરીને જામનગર મુકાયા 

પ્રાપ્ત થતી જાણકારી પ્રમાણે, આણંદના PI કે.જી.ચૌધરી અને સોરઠ પોલીસ તાલીમ કેન્દ્રના PI જામનગર મુકવામાં આવ્યા છે. આ બંન્ને પીઆઇની જામનગર મુકવા પાછળ ખાસ મિશન હોવાની પોલીસ બેડામાં ચર્ચા પણ ચાલી રહી છે. 

SP પોતાની વિશ્વાસુ ટીમ સાથે મેદાને ઉતરે તેવી પ્રબળ સંભાવના

ઉલ્લેખનીય છે કે, SP પોતાની વિશ્વાસુ ટીમ સાથે મેદાને ઉતરે તેવી પ્રબળ સંભાવના સેવાઇ રહી છે. તો જમીન માફિયા જયેશ પટેલનો ગાળિયો કસાતો હોવાની આશંકા છે. નોંધનીય છે કે, જયેશ પટેલ સામે જમીન કૌભાંડ, હત્યા સહીતના 40 ગુનાઓ નોઁધાયેલા છે.

While new #Jamnagar SP @BhadranDeepan will use his brilliance & firm hands on criminals, some people suspect, I don’t know true or false, that Range IG Sandip Singh in past settled some cases in favour of criminals in tune with some politicians! @PMOIndia @CMOGuj @dgpgujarat pic.twitter.com/a4IxILzLPw

— Parimal Nathwani (@mpparimal) September 24, 2020

પરિમલ નથવાણીએ ટ્વીટ કરીને ભદ્રનના નિર્ણયને આવકાર્યો 

રાજ્યસભાના MP, રિલાયન્સના ગ્રુપ પ્રેસિડેન્ટ અને મુકેશ અંબાણીના નિકટના ગણાતા પરિમલ નથવાણીએ ગુજરાત કેડરના IPS અધિકારી દિપેન ભદ્રનને અમદાવાદ ક્રાઈમમાંથી બદલીને જામનગર SP તરીકે મુકતા આ નિર્ણયને આવકાર્યો છે. પરિમલ નથવાણીએ કહ્યું છે કે આ નિર્ણયથી જામનગરમાં ગુનાખોરીમાં સારા એવા પ્રમાણમાં સુધારો આવશે.

આ મુદ્દે તેમણે એક સાથે ત્રણ ટ્વીટ કરીને કહ્યું હતું કે તેઓ દિપેન ભદ્રનને જામનગરમાં SP તરીકે આવકારે છે. તેમનું જામનગરમાં પોસ્ટિંગ થવાથી જામનગરની કાયદાનું પાલન કરતા સામાન્ય લોકો, બિલ્ડરો, જમીનના માલીકો અને ઉદ્યોગ ધંધાના માલિકોને ખૂબ ફાયદો થશે.