જામનગરમાંથી લોકલ ક્રાઈમ બ્રાંચે જાલી નોટનું નેટવર્ક ઝડપી પાડ્યુ છે. LCBએ પટેલ કોલોનીમાંથી નકલી નોટોના નેટવર્ક સાથે એક શખ્સને ઝડપી પાડ્યો છે. આફ્રિકાનો શખ્સ જામનગરની હોટેલનું મેનેજમેન્ટ સંભાળે છે.
આરોપી પાસેથી પોલીસે 500 અને 2 હજારની કુલ 71 હજારની નકલી નોટ કબ્જે કરી છે. આરોપીએ એક મહિનાથી પોતાના રુમમાં નકલી નોટ છાપતો હોવાની કબૂલાત કરી છે. આ દરમિયાન પોલીસે પ્રિન્ટર કાગળ શ્યાહી સહિતનો મુદ્દામાલ કબ્જે કરીને આગળની કાર્યવાહી હાથધરી છે.
આ મામલે મળતી જાણકારી અનુસાર જામનગર LCB ને પટેલ કોલોનીમાં નકલી નોટોનું નેટવર્ક ચાલતું હોવાની જાણકારી મળતા LCBની એક ખાસ ટીમ દ્વારા એક મકાન પર દરોડા પાડવાની કામગીરી હાથ ધરવામાં આવી હતી. આ ઘટનાને પગલે પોલીસે આરોપીઓ પાસેથી મોટી સંખ્યામાં નકલી નોટો ઝડપી લીધેલ.
ઉલ્લેખનીય છે કે આ મામલે LCBના એક અધિકારીએ જાહેર માધ્યમો સાથે કરેલ વાતચીત દરમિયાન જણાવેલ કે પોલીસ સકંજામાં આવેલ આ નેટવર્કમાં શખ્શ પાસેથી ખોટી નોટો ઝડપી લેવામાં આવી છે.
આ સાથે જ તેની પાસે રહેલી 500 અને 2000ના દરની 71 નકલી નોટો જામનગર LCB એ ઝડપી લીધેલ છે. પોલીસે આરોપી પાસેથી નકલી નોટો બનાવાની સામગ્રી પણ જપ્ત કરી છે. આરોપી આ કેસમાં કલર પ્રિન્ટરથી નકલી નોટ છાપતો હતો.આપને જણાવી દઇએ કે આ મામલે જામનગર LCBએ શખ્સને ઝડપીને પ્રાથમિક તપાસ હાથ ધરી છે.