દીકરીના લગ્નની કંકોત્રી આપી પરત ફરી રહેલ દંપતિ પર જીવલેણ હુમલો 1ની હત્યા

જામનગર:ધોરાજીથી ઉપલેટા તરફ જતા રોયલ સ્કૂલ પાસે લૂંટ વિથ મર્ડરનો બનાવ બન્યો હતો.ધોરાજી નજીક ઉપલેટા તરફ જતા રોયલ સ્કૂલ પાસે ગત રાત્રી રબારી દંપતી કુતિયાણાથી તેમની દીકરીના લગ્નની કંકોત્રી આપી પરત ફરી રહ્યા હતા.

ત્યારે 4 અજાણ્યા શખ્સોએ દંપતીને આંતરી લીધા હતા.અને પતિ-પત્ની સાથે ઝપાઝપી પણ કરી હતી. બેબીબેનનું ગળું કાપી અને હત્યા કરી હતી.પત્નીને બચાવા જતાં પતિને પણ તીક્ષ્ણ હથ્યારના ઘા કરવામાં આવ્યા હતા.જો કે હુમલા બાદ લુંટારૂઓ દાગીના લઈ ફરાર થઈ ગયા હતા.આ બનાવની જાણ થતા પોલીસ દોડી આવી હતી.અને સમગ્ર ગુજરાતમાં નાકાબંદી કરી આરોપીઓને પકડવા ચક્રો ગતિમાન કર્યા છે.

ઉલ્લેખનીય છે કે છેલ્લા કેટલાય સમયગાળાથી રાજ્યમાં અને ખાસ કરીને રાજકોટમાં ગુનાહિત પ્રવૃત્તિઓના પ્રમાણમાં વધારો થઇ રહ્યો છે ત્યારે ગઇકાલે મોડી રાતે એક દંપતિ પોતાની વ્હાલસોયી દીકરીના લગ્નની કંકોત્રી આપીને પરત ફરી રહ્યા હતા ત્યારે કેટલાક અજાણ્યા શખ્સો દ્વારા આ દંપતિ પર હુમલો કરીને મહિલાની હત્યા કરવામાં આવી હતી અને દાગીના લઇ ફરાર થઇ જતાં આ કિસ્સો લોકમુખે ચર્ચાનો વિષય બન્યો હતો.