જામનગરના કાલાવડના એક ખેડૂતે વીડિયો વાયરલ કર્યો છે. 10 વીઘામાં વાવેલા કપાસના પાકમાં ઈયળ આવવાનો ખેડૂતે વીડિયો વાયરલ કર્યો. આ વીડિયોમાં ખેડૂતે પોતાની વેદના ઠાલવી છે. ઈયળના કારણે પાક નિષ્ફળ જવાની આરે છે. બજારમાં ખેડૂતો માલ વેચવા જતા મજૂરી જેટલો પણ ભાવ મળતો નથી. જેના કારણે ખેડૂતોને હાલાકી ભોગવવી પડે છે. ત્યારે હવે ખેતી છોડીને નોકરી પર જવાનો ખેડૂતે નિર્ણય કર્યો છે.
જામનગરના કાલાવડના ખેડૂતનો વીડિયો વાયરલ
10 વીઘામાં વાવેલા કપાસના પાકમાં ઈયળ
ખેડૂતે વીડિયો વાયરલ કરીને વેદના ઠાલવી
જામનગરના એક ખેડૂતનો વીડિયો વાયરલ થયો છે વીડિયોમાં ખેડૂતો પોતાના ખેતરમાં જે ઉભો મોલ છે તેની વાતો કરી રહ્યો છે. દસ વીઘામાં વાવેલા કપાસને જોતા તો એમ લાગી રહ્યુ છે જાણે કપાસના ગાડાના ગાડા ભરાશે પણ કમોસમી વરસાદે ઈયળો આવી જતા ખેડૂત પાકમાંથી એક પણ વીણી કરી શક્યો નથી. ત્યારે નારાજ ખેડૂતે આનો વીડિયો બનાવીને વાયરલ કરી દીધો છે.
કમોસમી વરસાદ
આ વખતે ગુજરાતમાં મેઘો વધુ પડતો મહેરબાન થઈને અટકવાનું નામ જ નથી લેતો આજે પણ મધ્યગુજરાતમાં તોફાની પવન સાથે વરસાદ વરસી રહ્યો છે. વળી ચક્રવાતને કારણે પણ ગુજરાતમાં નવેમ્બરમાં વરસાદ હતો જ્યારે ડિસેમ્બરમાં પણ કમોસમી વરસાદે ખેડૂતોને પજવવાનું શરૂ કરી દીધુ છે. ચક્રવાત મહા, ચક્રવાત ક્યારે ગુજરાતમાં વરસાદ વરસાવ્યો હતો.
ખેડૂતોનું ટનબંધ અનાજ ખેતરમાં જ સડી ગયુ
ખેડૂતોનો ઉભો મોલ સડી ગયો છે. ઉભા પાકમાં ઈયળો કે જીવાતને લીધે ખેતર હર્યુ ભર્યુ હોવા છતાં જગતનો તાત નિરાશ છે કારણ કે આ પાકનો એક ફદિયો પણ ઉપજવાનો નથી. ટન બંધ અનાજ ખેતરમાં જ સડી ગયુ છે.