જસદણ વિધાનસભા પેટાચુંટણીની તૈયારી પૂરજોશમાં ચાલી રહી છે. કેન્દ્રીય ચૂંટણી પંચે રિપોર્ટ માંગ્યો છે. રાજ્ય ચુંટણીતંત્રએ ECIને અહેવાલ સોંપ્યો છે. રાજ્ય ચુંટણીતંત્ર પેટાચુંટણી માટે સજ્જ થઈ છે. પેટા ચૂંટણીની નજીકના ભવિષ્યમાં જાહેરાત થવાની સંભાવના છે.
3 જાન્યુઆરી સુધીમાં જસદણની ચૂંટણી પૂર્ણ કરવાની ફરજિયાત છે. ડિસેમ્બર માસમાં સંભવત ચૂંટણી યોજાવાની શક્યતા છે. જસદણ બેઠકમાં પર કુલ 2 30 612 મતદારો છે. જેમાં 1 લાખ 21 હજાર 519 પુરુષ અને 1 લાખ 09 હજાર 93 મહિલા મતદારોનો સમાવેશ થાય છે.
તો આ તરફ જસદણ પેટાચૂંટણીને લઈને કોંગ્રેસ હરકતમાં આવ્યું છે. ખેડૂત સંમેલનના નામે કોંગ્રેસ શક્તિ પ્રદર્શન કરવાનું છે. જસદણમાં કોંગ્રેસ શક્તિ પ્રદર્શન કરવાનું છે. વિપક્ષી નેતા પરેશ ધાનાણી જસદણમાં હાજરી આપવાના છે અને ખેડૂત સંમેલન બાદ જસદણના ઉમેદવાર અંગે ચર્ચા કરવાની શક્યતા છે.
કોંગેસે આ બેઠક મામલે ચાર નામો શોર્ટ લિસ્ટ કર્યા છે. આ સાથે ભાજપે પણ કુંવરજી બાવળિયાના જીતાડવા માટે કમર કસી છે ત્યારે જોવું જ રહ્યું કે આગામી સમયમાં યોજાનારી જસદણ વિધાનસભા પેટાચુંટણીમાં ક્યાં પક્ષના ઉમેદવારનો વિજય થાય છે.