Viral / વેવાઈ-વેવાણની ઓડિયો ક્લિપ વાયરલ, વેવાઈએ 1 લાખ રૂપિયા આપ્યા છતાં...

• 21મી સદીમાં પણ દીકરાની માતા-પિતા બોલી લગાવે છે
• સરકારી નોકરી વાળો જમાઈ જોઈતો હોય તો આપો કરોડોનું દહેજ
• લાક રૂપિયા ફર્નિચરના આપ્યા જે વેવાણને ચણા-મમરા લાગ્યા

21મી સદીમાં પણ માતા-પિતા મુરતિયાઓનું બજાર લગાવે છે. દહેજની ઉંચી બોલી બોલો એને લઈ જાવ. ન આપી શકો તો તમારી દીકરી ઘરે રાખો. વેવાણે રોફથી દીકરીના બાપને ખખડાવી દીધો. સમાજની આ છીછરી માનસિકતા ક્યાં જઈને અટકશે?

દીકરીના પિતાએ આપેલું દહેજ વેવાણને માન્ય નહતુ. 

દીકરીના પિતાએ 22 વસ્તુ અને 1 લાખ આપ્યા હતા. PSIની માતાને આટલું દહેજ પણ નામંજૂર હતું. વેવાણે ટીવી, ફ્રિજ, પલંગ સહિતની ઘરવખરી માગી. સભ્ય સમાજ માટે ફટાકરરૂપ ઓડિયો વાયરલ  થયો છે. 

શું કહ્યુ વેવાણે?

ફ્રીજ કેમ નહી? પોષાય તો કો, રોડ ઉપર રહેતા પણ લોકો ફ્રીજ ટીવી પણ આપે છે. હું દીકરીવાળી હોત તો કહેવુ ન પડત. મારે જે જોવે એ મને આપી દેવાનું. પેટીપલંગ, ફર્નિચરના પૈસામાં 1 લાખ રૂપિયા, ડાઈનિંગ ટેબલ, સોફા, પેટી પલંગ, એક લાખમાં ફર્નિચર ન આવે. તીજોરી, કબાટ નથી. એકલાખમાં ફર્નિચર ન આવે એવું કહીને વધુ રૂપિયાની માંગ કરી. 

સળગતા સવાલ 

• હક,અને અન્યાય સામે લડતો સમાજ દહેજ સામે મૌન કેમ?
• સમાજના કહેવાતા આગેવાનો આ દુષણ દુર કરવા આગળ આવશે?
• સંમેલનોમાં દહેજને ડામવા અંગે કેમ નથી થતી ચર્ચા?
• ક્યા સુધી મજબૂરીમાં દહેજ આપતા રહેશે લાચાર પિતા?
• આવા કેટલા પિતા અને દીકરી છે જે દહેજનો ભોગ બન્યા?
• દીકરી શું લઇને આવે છે તેમાં જ સમાજને રસ છે?
• દીકરીના ત્યાગ,સમર્પણ અને સંસ્કારનું મૂલ્ય કેમ નહીં?
• ફર્નિચર,દાગીના અને ચીજવસ્તુની લાલચ કેમ ?
• ગુજરાત અને દેશમાં આવી પ્રથા કેટલા સમાજમાં છે?
• દહેજના નામે ક્યાં સુધી દૂષણ થતું રહેશે?
• ઓડિયો ક્લિપમાં વેવાણને દહેજ માગતા કેમ નથી આવતી શરમ?
• યુવક PSI હોવા છતાં તેની માતા દહેજ માગે તે કેટલું યોગ્ય?
• 22 દાગીના અને 1 લાખ આપ્યા છતાં કેમ માગ્યું દહેજ?
• સમાજમાંથી દહેજ પ્રથા ક્યારે નાબૂદ થશે?
• ક્યાં સુધી દહેજના નામે દીકરીનો પરિવાર પિસાતો રહેશે?