ફરિયાદ / અનોખો કિસ્સોઃ ભૂકંપ બાદ કચ્છ ડિવિઝનમાંથી કસ્ટમ વિભાગે રેડમાં પકડેલા સોનાની જ ચોરી!

• જામનગરમાં કસ્ટમ વિભાગે રેડમાં પકડેલા સોનાની ચોરી
• ભૂકંપ બાદ કચ્છ ડિવિઝનથી સોનુ જામનગર લવાયું હતું
• 1986માં ભૂજ કસ્ટમ વિભાગે રેડમાં સોનુ પકડી પાડ્યું હતું

પ્રાપ્ત મળતી વિગત અનુસાર 1986માં ભૂજ કસ્ટમ વિભાગ દ્વારા રેડમાં સોનું પકડી પડાયું હતું. જે ભૂકંપ બાદ કચ્છ ડિવિઝનમાંથી જામનગર લાવવામાં આવ્યું હતું. 

 

જો કે હાલ જામનગરમાં કસ્ટમ વિભાગે પકડેલા 1.10 કરોડની કિંમતના સોનાની ચોરી થયાની ફરિયાદ નોંધવામાં આવી છે. જેમાં 2.156 કિલોગ્રામ સોનાની અજાણ્યા કસ્ટમ કર્મચારી સામે હાલ ફરિયાદ નોંધવામાં આવી છે. જો કે આ અંગે જ્યારે 2016માં ભૂજ કસ્ટમ વિભાગે સોનુ પરત કરાયું ત્યારે ચોરીનો ભેદ ખૂલ્યો હતો. 

કચ્છમા કસ્ટમ વિભાગે ઝડપી પાડેલા સોનાની ચોરીની ઘટના સામે આવી છે. એક કરોડ 10 લાખના સોનાની જામનગરમાંથી ચોરી થઈ છે. મળતી માહિતી મુજબ કચ્છના ભૂજ કસ્ટમ વિભાગે 1986માં દરોડા પાડીને મોટી માત્રમાં સોનું ઝડપી પાડ્યું હતુ.

2001માં ભૂકંપ આવ્યા બાદ આ સોનાને જામનગરમાં લવાયું હતુ. ત્યારે 2016માં તપાસ કરવામાં આવતા 2 કિલો 156 ગ્રામ સોનું ઓછું મળ્યુ હતું. આ મામલે તપાસ કરવામાં આવી હતી, પરંતુ સોનું મળ્યુ ન હતુ. ત્યારે હવે અજાણ્યા કસ્ટમ કર્મચારી સામે હાલમાં ફરિયાદ નોંધાઈ છે.

જો કે  હાલ શહેરમાં ચર્ચાના વિષય તરીકે લોકચર્ચાએ આ મુદ્દો જોવા મળી રહ્યો હોય તેવું સૂત્રોને માહિતી મળી રહી છે. ત્યારે સવાલ થાય છે કે કસ્ટમ વિભાગની કસ્ટડી વિભાગમાં પડેલી વસ્તુઓની ચોરી અંગે ચોરીની ફરિયાદ લખાવી પડે છે. આમ તંત્રની લાપરવાહીને લઇને શહેરના લોકોમાં એક તરફ આક્રોશ જોવા મળી રહ્યો છે.