ગુજરાતમાં કોરોના વાયરસ મહામારીનો કહેર યથાવત જોવા મળી રહ્યો છે. કોરોનાને લઇને રાજ્યમાં લોકડાઉનનો કડક અમલ કરાવામાં આવી રહ્યો છે. રાજ્યના 4 મહાનગરમાં કોરોનાનો પ્રકોપ યથાવત જોવા મળી રહ્યો છે. ત્યારે હવે રાજ્યના બાકી જિલ્લાઓમાં પણ કોરોના ધીરે-ધીરે પગપેસારો કરતો જોવા મળી રહ્યો છે. જામનગરના વધુ બે ડોકટરોમાં કોરોના પોઝિટિવ જોવા મળ્યો છે. જે હાલ અમદાવાદમાં વોરિયર્સ તરીકે ફરજ બજાવી રહ્યાં છે.
જામનગરની જીજી હોસ્પિટલના વધુ બે ડોકટરોમાં કોરોના પોઝિટિવ
સપ્તાહ પૂર્વે 24 ડોકટરોને વોરિયર્સ તરીકે ગયા હતા અમદાવાદ
અગાઉ બે ડોકટરનો રિપોર્ટ આવ્યો હતો પોઝિટિવ
પ્રાપ્ત મળતી વિગત અનુસાર જામનગરની જીજી હોસ્પિટલના વધુ બે ડોકટરોમાં કોરોના પોઝિટિવ જોવા મળ્યો છે. જે હાલ અમદાવાદ ખાતે કોરોના વોરિયર્સ તરીકે ફરજ બજાવી રહ્યાં છે. ઉલ્લેખનીય છે કે એક અઠવાડિયા અગાઉ જામનગરમાંથી 24 ડોકટરોને વોરિયર્સ તરીકે અમદાવાદ મોકલવામાં આવ્યાં હતા.
જામનગર જિલ્લાના કોરોના પોઝિટિવ કેસોની વાત કરીએ તો બહારથી પ્રવાસ કરી આવેલા લોકોમાં જોવા મળી રહ્યો છે. જેમાં 4 ડોકટરોમાં જે કોરોના પોઝિટિવ આવ્યો તે અમદાવાદ ખાતે વોરિયર્સ તરીકે ફરજ બજાવી રહ્યાં છે. જ્યારે આ અગાઉ 2 દર્દી અન્ય જિલ્લામાંથી જામનગરમાં આવ્યાં હતા.
આમ જામનગરમાં 2 ડોકટરોમાં કોરોના પોઝિટિવ આવતાં કોરોના વોરિયર્સોમાં ચિંતા જોવા મળી રહી છે. આ અગાઉ પણ 2 ડોકટરોનો રિપોર્ટ પોઝિટિવ આવ્યો હતો. જો કે હજી પણ અન્ય 3માં લક્ષણો હોવાની આશંકા જોવા મળી રહી છે.