જામનગરના સિક્કા ખાતે GSFC પાઇપ લાઇનની દિવાલ કામગીરીનો વિરોધ કરવામાં આવ્યો છે. સિક્કાના ગ્રામજનો અને GSFCના અધિકારીઓ વચ્ચે ગરમા-ગરમી થઇ ગઇ છે. આ પરિસ્થિતિ વણશે નહીં તે માટે પોલીસના ધાડેધાડા પહોંચ્યા હતાં. દીવાલ ઉભી થાય તો ગામમાં પાણી ભરાવાના મોટા પ્રશ્નો સર્જાઇ શકે છે. આથી સિક્કા નગરપાલિકાની મંજૂરી ન હોવા થતાં GSFC દ્વારા કામ કરાઇ રહ્યું છે. 18 નિયમોનું પાલન કર્યા બાદ જ કામગીરી શરૂ કરવા દેવા ગ્રામજનોની માંગ છે. તંત્ર દ્વારા બીજા દિવસે કામ ચાલુ રાખવામાં આવતા ગ્રામજનો ઉશ્કેરાઇ ગયાં હતાં. આથી ગ્રામજનોના દ્વારા પથ્થરમારો કરવામાં આવ્યો હતો. પોલીસે ટોળાને વિખેરવા લાઠી ચાર્જ કરતા મામલો બિચક્યો હતો. પથ્થરમારામાં SDM અને બે પોલીસકર્મી ઘવાયા છે. આ ઘવાયેલા પોલીસકર્મીઓને હોસ્પિટલ ખસેડવામાં આવ્યા છે.