જામનગરઃ શહેરમાં ડેરીની એક દુકાનમાં રોકડ રૂપિયાની ચોરીની ઘટના બની હતી. સાધના કોલોનીમાં ડેરીની દુકાનમાંથી રોકડ રકમની ચોરી કરવામાં આવી. ડેરી વેપારી દુકાનમાં વસ્તુ લેવા જતા ગઠિયાએ હાથ ફેરો કર્યો અને દુકાનમાથી રોકડ રકમ લઇને ફરાર થયો. જોકે ચોરીની સમગ્ર ધટના CCTVમા કેદ થઈ ગઈ હોવાથી પોલીસે CCTVના આધારે તપાસ હાથ ધરી છે.
મળતી માહિતી અનુસાર આ ઘટના ગત રાત્રીએ બની હતી. સાધના કોલોનીમાં દુકાનદાર દુકાન બંધ કરવાની તૈયારી હતા. તે સમયે ગ્રાહક બનીને આવેલ ગઠીયો ઘોળવું માંગે છે. દુકાનદાર ગ્રાહકના પૈસા લઇ ઘોલવુ લેવા જાય છે. ત્યારે આ ગઠીયો 14 હજાર રૂપિયા ચોરી લે છે.
જ્યારે દુકાનદાર દુકાનનો હિસાબ કરે છે ત્યારે ચોરીની ઘટના તેના ધ્યાને આવે છે. ત્યાર બાદ સીસીટીવીમાં ચેક કરતા આ ગઠીયાની કળા નજરે પડે છે. જો કે સીટી એ ડિવિઝન પોલીસે સીસીટીવી ફૂટેજના આધારે તપાસ હાથ ધરી છે. કેટલાક શંકાસ્પદોની તપાસ કરવામાં આવી રહી છે.