જામનગર: શહેરના લીંડી બજાર ચાર રસ્તા પાસે છેલ્લા ઘણા સમયથી નકલી ઘી બનાવાનો કારોબાર ચાલી રહ્યો હતો. જેની જાણ થતાં જામનગર SOG દ્વારા દરોડા પાડવામાં આવ્યા હતા. આ દરમિયાન પોલીસને 528 કિલો નકલી ઘીનો જથ્થો મળી આવ્યો હતો. આ સાથે જ પોલીસે 2 આરોપીઓની ધરપકડ પણ કરી છે.
ઉલ્લેખનીય છે કે જામનગરના લીંડી બજાર ચાર રસ્તા પાસે મહમદ સીદીક હારૂનભાઇ ઓસમાણ અને અમીન હારૂનભાઇ ઓસમાણભાઇ કાસ બન્ને પોતાના ઘરે છેલ્લા ઘણા સમયથી વનસ્પતિ ઓઈલ અને પામ ઓઇલની મિલાવટ કરીને નકલી ઘી બનાવતા હતા.
જેની જાણ થતાં જામનગર SOG પોલીસે દરોડા પાડ્યા હતા. આ દરમિયાન પોલીસકર્મીઓને ભેળસેળયુક્ત 528 કિલો નકલી ઘી 44 કીટલા પામ તેલના 7 ડબ્બા વનસ્પતિ ઓઈલના 19 ડબ્બા વનસ્પતિ ઓઇલના 5 બોક્સ મળી આવ્યા હતા.
આ સાથે જ સાધનસામગ્રી મળીને 3 લાખ 37 હજાર 470 રૂપિયાનો મુદ્દામાલ મળી આવ્યો હતો. પોલીસે 2 આરોપીઓ સાથે મુદ્દામાલ કબ્જે કર્યો હતો. ત્યારે હવે પોલીસે મુદ્દામાલ કબ્જે કરીને આગળની કાર્યવાહી હાથધરી છે.