જામનગરનાં લાલપુર તાલુકામાંથી ઝડપાયો બોગસ તબીબ

જામનગરઃ લાલપુર તાલુકાનાં કાનાલુસ નજીક શ્રમિકોની વસાહત વિસ્તારમાંથી વધુ એક બોગસ તબીબને ગેરકાયદે મેડિકલ પ્રેક્ટિસ કરતા પકડી પાડ્યો છે. તેનાં કબજામાંથી દવા સહિતની સામગ્રી જપ્ત કરવામાં આવી છે. જામનગરની SOG શાખા દ્વારા દસ દિવસ પહેલાં લાલપુર નજીક આવેલી શ્રમિકોની વસાહત વચ્ચે ગેરકાયદે તબીબ પ્રેક્ટિસ કરી રહેલાં 3 બોગસ તબીબોને ઝડપી લીધાં હતાં.

દરમ્યાન ગઇ કાલે પોલીસ દ્વારા ફરીથી આ વિસ્તારમાં ચેકિંગ હાથ ધરવામાં આવ્યું હતું. જે ચેકિંગ દરમ્યાન ફરીથી એક બોગસ તબીબ પોતાની પાસે મેડિકલ પ્રેક્ટિસ કરવા માટેની કોઈ ડીગ્રી ન હોવાં છતાં પણ દર્દીઓ સાથે ચેડાં કરીને ગેરકાયદે રીતે દર્દીઓને તપાસતા રંગે હાથ ઝડપી લેવાયો હતો.

લાલપુર પોલીસે પંજાબ રાજ્યના જિલ્લાના ગુરુદાસપુર જિલ્લાનાં વતની મનજીતસિંધ નાગરસિંધ ગીલ નામના 40 વર્ષના યુવાનની ધરપકડ કરી લીધી હતી. તેના કબજામાંથી રૂ.૧ ૭૮ ૩ર૦નો દવાનો જથ્થો તથા દવાખાનાને લગતી સામગ્રી કબજે કરી હતી. તેની સામે લાલપુર પોલીસ મથકમાં ગુનો દાખલ કર્યો હતો.