સામાન્ય સભામાંથી પત્રકારને બહાર કઢાતા મીડિયાજગતમાં પડ્યા ઘેરા પ્રત્યાઘાત

જામનગર: જિલ્લા પંચાયતની સામાન્ય સભામાં DDO દ્વારા પત્રકારોનું અપમાન કરવામાં આવ્યુ છે. પત્રકારો સભામાં હાજર હોવાથી તેમની સભામાંથી કાઢી મુકવામાં આવ્યા હતા જેના કારણે પત્રકારોમા રોષ જોવા મળી રહ્યો છે. મહત્વનું છે કે પત્રકારોને ચોથી જાગીર માનવામાં આવે છે અને પત્રકારો સરકારની નીતિઓ નાગરિકો સુધી પહોંચાડે છે.

ત્યારે હવે જિલ્લા પંચાયતની સભામાં પત્રકારો પર પ્રતિબંધ મુકવામાં આવતા સતાધારી પક્ષ દ્વારા આ નિર્ણયનો વિરોધ કરવામાં આવ્યો હતો. જિલ્લા પંચાયતની ઓફિસમાં પત્રકારો પર પ્રતિબંધ મુકવામાં આવતા અનેક સવાલો ઉઠયા છે. મહત્વનુ છે કે ડીડીઓ દ્વારા સરકારના કાયદાનુ ઉલ્લંઘન કરવામાં આવે છે. સરકાર દ્વારા ગાડીઓમાં પીળી લાઈટ સાયરન અને બંપર પર પ્રતિબંધ મુકવામાં આવ્યો છે. તેમ છતા DDO દ્વારા સરકારના કાયદાનુ ઉલ્લંઘન કરીને કારમાં બમ્પર અને સાયરન લગાવવામાં આવ્યા છે. 

ઉલ્લેખનીય છે કે સામાન્યપ્રણાલી મુજબ પત્રકારો આ સભાનું કવરેજ કરવા માટે જામનગરની જિલ્લા પંચાયત કચેરીમાં પહોચ્યા હતા. જ્યાં જીલ્લાપંચાયત ના પ્રમુખ વાઘેલા પ્રમુખસ્થાને બેસે તે પહેલા જ તાજેતરમાં આવેલ જીલ્લા વિકાસ અધિકારી પ્રશસ્તિ તરીકે પત્રકારોને  બહાર જવાની સુચના કરી દેતા પત્રકારો અને પદાધિકારીઓ માં પણ કુતુહલ જોવા મળ્યું હતું અને જામનગરના મીડિયાજગતમાં આ બાબતના ઘેરા પ્રત્યાઘાતો પડ્યા છે.   

આપને જણાવી દઇએ કે જયારે પત્રકારોને કાયદો સમજાવી સામાન્ય સભામાંથી હાંકી કાઢનાર DDO ખુદ કાયદાનો ઉલાળ્યો કરી રહ્યા છે. કલેકટર અને ડીડીઓને સરકારે ફાળવેલી કારમાં સુપ્રીમ કોર્ટની દોરવણી મુજબ ગેર કાયદે પીળી લાઈટ સાયરન અને ગાડી આગળ તોતીગ બંપર મુકાવેલ છે. જન પ્રતિનીધિ એટલે કે જિલ્લા પંચાયત પ્રમુખની કારમાં પણ બમ્પર અને સાયરન લગાવેલ છે. આ પણ કાયદાની રીતે ગેરકાયદેસર કહી શકાય. ત્યારે સામાન્ય નાગરિકો સામે કાયદાનો દંડો ઉગમતું જવાબદાર તંત્ર કલાસ વન ઓફિસરો અને પ્રમુખને કાયદાનું ભાન કરાવશે ??? તે તો આવનારો સમય જણાવશે.