જામનગર: ATM-ડેબિટ કાર્ડથી છેતરપિંડી કરતી ટોળકીને પોલીસે દબોચી લીધી

જામનગરમાંથી ઓનલાઈન છેતરપિંડી કરતી ટોળકીને પોલીસે ઝડપી પાડી છે. આ ટોળકીએ 6 લોકો સાથે છેતરપિંડી કરીને 5 લાખ રૂપિયા ઉપાડ્યા હતા.

જેની પોલીસ સ્ટેશનમાં ફરિયાદ થતા પોલીસે આરોપીઓની ધરપકડ કરી છે. મળતી માહિતી મુજબ જામનગરમાં છેલ્લા ઘણા સમયથી ઓનલાઈન છેતરપિંડીની ઘટના સામે આવી રહી હતી.

આ આરોપીઓ ATM-ડેબિટ કાર્ડથી લોકો સાથે છેતરપિંડી કરતા હતા. સાયબર સેલમાં આ મામલે ફરિયાદ થઈ હતી. સાયબર સેલે ફરિયાદના આધારે 4 શખ્સોની ધરપકડ કરી છે. આ દરમિયાન પોલીસને 1 લાખ રૂપિયા રોકડા 15 ATM લેપટોપ સહિતનો મુદામાલ મળી આવ્યો હતો. પોલીસે આરોપીઓની ધરપકડ કરીને આગળની કાર્યવાહી હાથધરી છે.
 

#Jamnagar માંથી ઓનલાઈન છેતરપિંડી કરતી ટોળકી ઝડપાઈ ATM-ડેબિટ કાર્ડથી છેતરપિંડી કરતી ટોળકી ઝડપાઈ.ટોળકીએ 6 લોકો સાથે 5 લાખ રૂપિયાની કરી છેતરપિંડી
પોલીસે 1 લાખ રોકડા 15 ATM લેપટોપ સહિતનો મુદામાલ જપ્ત કર્યો.#ATM #Fraud pic.twitter.com/p5WtgnClJ0

— VTV Gujarati News (@VtvGujarati) February 3 2019

છેલ્લા કેટલાક સમયગાળાથી ઓનલાઇન છેતરપિંડીના બનાવો પ્રકાશમાં આવી રહ્યા છે ફેક કોલના માધ્યમથી લોકોના ATM-ડેબિટ કાર્ડની વિગતો મેળવીને નાણાની ચોરી કરતી ગેંગ ઠેર-ઠેર સક્રિય થતાં પોલીસ પણ વધુ સક્રિય બની છે.

આ પ્રકારની ગેરકાયદેસર પ્રવૃત્તિ કરતી ગેંગને ઝડપી લેવા સર્ચ ઓપરેશન હાથ ધર્યા છે ત્યારે જામનગરમાંથી ગતરોજ એક ટોળકીને દબોચી લીધી હતી. આ શખ્સો ATM-ડેબિટ કાર્ડ દ્વારા લોકો સાથે છેતરપિંડી કરતા હતા.