જો બાયડનના અમેરિકન રાષ્ટ્રપતિ બનવાને લઈને દુનિયામાં અલગ અલગ નેતાઓ પોતાની પ્રતિક્રિયાઓ આપી રહ્યા છે. આ દરમિયાન જમ્મુ-કાશ્મીર યુથ કોંગ્રેસના એક નેતાએ એવું નિવેદન આપ્યુ કે જેનાથી વિવાદ થશે એવું મનાઈ રહ્યું છે. હકિકતમાં કોંગ્રેસના યુવા નેતા જહાંજેબ સિરવાલએ એક વીડિયો સંદેશ જારી કરતા કહ્યું કે બાયડન સરકાર પર દબાણ બનાવીને જમ્મુ કાશ્મીર આર્ટિકલ 370 અને 35 એ ફરી લગાવડાવશે.
બાયડન જમ્મુ કાશ્મીર આર્ટિકલ 370 અને 35 એ ફરી લગાવડાવશે
જમ્મુ-કાશ્મીર યુથ કોંગ્રેસના એક નેતાએ એવું નિવેદન આપ્યુ કે ...
જમ્મુ કાશ્મીરની રાજનીતિમાં તેનો સકારાત્મ પ્રભાવ પડશે
સિરવાલે સંદેશમાં કહ્યું કે અમેરિકામાં બાયડેન અને કમલા હેરિસની જીત લોકતંત્રની જીત છે. જેની અસર ભારતની રાજનીતિ પર પડશે અને જમ્મુ કાશ્મીરની રાજનીતિમાં તેનો સકારાત્મ પ્રભાવ પડશે. પુરી દુનિયામાં ઈસ્લામોફોબિયાનો ખૌફ ફેલાવાઈ રહ્યો છે અને તેમા થોડી નરમાઈ આવી શકે છે. સિરવાલે વધુમાં કહ્યું કે બાયડન ભારત સરકાર દ્વારા લેવામાં આવેલા આર્ટિકલ 370 અને 35 એને હટાવવાનો નિર્ણય પાછો લેવડાવશે.
ફારુક અબ્દુલ્લાએ પણ મોટો દાવો કર્યો
ઉલ્લેખનીય છે કે જમ્મુ કાશ્મીરના પૂર્વ સીએમ ફારુક અબ્દુલ્લાએ રવિવારે દાવો કર્યો હતો કે કોંગ્રેસ પણ પીપુલ્સ અલાયન્સનો ભાગ અને જિલ્લા વિકાસ પરિષદની ચૂંટણી મળીને લડશે. તેમણે કહ્યું કે જમ્મુ કાશ્મીરના કોંગ્રેસ ચીફ જીએ મીરે મને મળીને કહ્યું છે કે કોંગ્રેસ જિલ્લા વિકાસ પરિષદની ચૂંટણી મળીને લડશે.
મીરે ફારુકના નિવેદન પર કહ્યું કે તમામ ચૂંટણી એક સાથે થઈ રહી છે અને સમય પણ મળશે. તમામ પાર્ટીઓએ ઉમેદવાર નથી કર્યા. પાર્ટી એકલા ચૂંટણી લડવાનું વિચારી રહી છે પણ કેટલીક જગ્યાએ ચૂંટણી સાથે મળીને લડી શકાય છે.