J&K / જમ્મુ-કાશ્મીરમાં થયેલ આતંકી હુમલામાં ગુજરાતના આ ગામનો જવાન શહીદ, પરિવાર પર આભ ફાટ્યું

• જમ્મુ-કાશ્મીરમાં ગુજરાતનો જવાન શહીદ
• પરિવારજનો પર આભ ફાટ્યા જેવો આક્રંદ

નોંધનીય છે કે, જે જવાનો ઘાયલ થયાં હતા તેમને તાત્કાલિક અસરથી સારવાર અર્થે ખસેડવામાં આવ્યા હતા જેમાં ગુજરાતના સાબરકાંઠા જિલ્લાના પ્રાંતિજ તાલુકાના ઝાલાના મુવાડી ગામના વતની અને છેલ્લા 8 વર્ષથી ફરજ બજાવતા સતપાલસિંહ બચુસિંહ પરમાર શહીદ થયાં હતા. 

પરિવારજનો પર આભ ફાટ્યા જેવો આક્રંદ

#Update The CPRF personnel who lost their lives in Sopore terrorist attack have been identified as 42-year-old Rajeev Sharma from Vaishali in Bihar, CB Bhakare (38) from Maharashtra's Buldhan & Parmar Stayapal Singh (28) from Sabarkantha in Gujarat: CRPF https://t.co/MTTpwYMxyu

— ANI (@ANI) April 18, 2020

આ અંગેની જાણ પરિવારજનોને થતાં જ જાણે આભ ફાટ્યું હોય તેવી સ્થિતિ સર્જાઇ હતી. તો આ સાથે જ ગામમાં શોકનો માહોલ છવાયો હતો. આ પહેલા શુક્રવારે આતંકવાદીઓએ જમ્મુ કાશ્મીરના પુલવામા જિલ્લાના નેવામાં સેના પર હુમલો કર્યો હતો અને સીઆરપીએફ અને પોલીસના સંયુક્ત કેમ્પને નિશાન બનાવ્યા હતા. શુક્રવારે આતંકવાદી હુમલામાં એક જવાન ઇજાગ્રસ્ત થયો હતો. તેના પગમાં ગોળી વાગી હતી.

આતંકવાદી બચીને ભાગવામાં સફળ થયાં 
 
આ બાદ આતંકવાદી હુમલામાં ઇજાગ્રસ્ત જવાનને હોસ્પિટલમાં દાખલ કરવામાં આવ્યો, જ્યાં તેમની હાલત સ્થિર જણાઇ રહી છે. આ આતંકવાદી હુમલા બાદ સેનાએ આ વિસ્તારમાં સર્ચ ઓપરેશન ચલાવ્યું હતું. જોકે આતંકવાદી બચીને ભાગવામાં સફળ રહ્યા હતા.