જમ્મુ - કાશ્મીર / કાશ્મીર એન્કાઉન્ટર સાઈટની દર્દનાક તસવીર, દાદાના મૃતદેહ પર બેઠેલો 3 વર્ષનો માસુમ પૌત્ર રાહ જો તો હતો કે...

• જમ્મુ-કાશ્મીરના સોપોરમાં આતંકવાદી હુમલો
• ગોળીબાર દરમિયાન એક નાગરિકની મોત
•  મૃતકની નજીક બેઠો હતો પૌત્ર 

હકિકતમાં બુધવારે સવારે સોપોરમાં સેન્ટ્રલ રિઝર્વ પોલીસ ફોર્સ (સીઆરપીએફ) પાર્ટી પર આતંકવાદીઓ દ્વારા હુમલો કરવામાં આવ્યો હતો. હુમલો માર્કેટ વિસ્તારમાં ઓચિંતા કરવામાં આવ્યો હતો. સુરક્ષા દળોએ પણ આતંકવાદીઓને ફાયરિંગ કરીને જવાબ આપ્યો હતો. આ ફાયરિંગ દરમિયાન સીઆરપીએફ 179 બટાલિયનનો જવાન શહીદ થયો હતો. જ્યારે એક નાગરિકનું પણ ગોળી વાગવાના કારણે મોત થયું હતું.મૃતક નાગરિક 60 વર્ષના વૃદ્ધ હતા. ઘટના સ્થળ પરથી તેમની એક તસ્વીર બહાર આવી છે. મૃતદેહ જમીન પર પડેલો છે. કપડા લોહીથી ભરેલા છે અને મૃત વ્યક્તિનો 3 વર્ષનો પૌત્ર પણ છે.

આ નિર્દોષ તેના દાદાના મૃતદેહ પર એવી રીતે બેઠો છે કે તે કદાચ તેના ખોળામાં રમશે. પરંતુ દાદાનું શરીર ગોળીઓથી વિંધાયેલું હતુ અને તેના કપડાં લોહીથી લથબથ હતા. તે હવે પોતાના પૌત્રને ખોળામાં બેસાડી શકે તેમ ન હતો.

The child is being taken to home by #JKPolice. This is so sad and disheartening. #Kashmir #Soporeattack pic.twitter.com/J4XThzeCNr

— IM (@imranmanzoorsha) July 1, 2020

આવી સ્થિતિમાં ત્યાં હાજર પોલીસ ટીમના એક સભ્યએ બાળકને તેડી લીધો અને આતંકવાદીઓ સાથે ચાલતા એન્કાઉન્ટર સાઇટથી અલગ કરી દીધો હતો. અગાઉ એક તસવીરમાં આ બાળક મૃતદેહની નજીક રહેલા એક જવાન તરફ જતો જોવા મળે છે. આતંકવાદીઓ સામે આ પોઝિશનમાં રહેલા જવાને બાળકને બીજી બાજુ તરફ ઈશારો કરતો જોવા મળ્યો છે.