IPLIN
 
  • Home
  • India
  • jammu kashmir section 144 article 370

Article 370 / જમ્મુમાંથી હટાવાઇ કલમ 144, શુક્રવારથી શાળા-કોલેજ થશે રાબેતા મુજબ

Team VTV 08:23 PM, 09 Aug 19 | Updated: 08:33 PM, 09 Aug 19
Follow us
jammu kashmir section 144 article 370

જમ્મુ કાશ્મીરમાં સ્થિતિ ધીમે-ધીમે થાળે પડી રહી છે. ઉધમપુર અને સાંબા બાદ હવે શુક્રવારના રોજ 144 કલમ હટાવી લેવામાં આવી છે. જમ્મુમાં શુક્રવારથી તમામ સ્કૂલ-કોલેજ શરૂ કરવામાં આવશે. તો આ તરફ કાશ્મીરમાં પણ ધીમે-ધીમે પરિસ્થિતિ સામાન્ય થઇ રહી છે. 

રાજ્યપાલ સત્યપાલ મલિકે પણ આજરોજ જમ્મુ કાશ્મીરના કેટલાક વિસ્તારોની મુલાકાત કરી હતી અને જણાવ્યુ કે, રાજ્યમાં સ્થિતિ સુધરી રહી છે. આ સાથે જ તેમણે કહ્યું હતું કે, રાજ્યમાં ઇદ શાંતિ પૂર્વક મનાવવામાં આવશે.

જમ્મુના ડેપ્યુટી મેજિસ્ટ્રેટ સુષમા ચૌહાણ મુજબ, કલમ 144ને જમ્મુ નગર સરહદથી હટાવી લેવામાં આવી છે. તમામ સ્કૂલો અને કોલેજ 10 ઓગસ્ટથી રાબેતા મુજબ થશે. જો કે, ઇન્ટરનેટ સેવા પર હજી પ્રતિબંધ યથાવત છે. 

ઉલ્લેખનીય છે કે, ભારત સરકારે જમ્મુ કાશ્મીરમાં આર્ટિકલ 370 હટાવ્યા બાદ લદ્દાખને જમ્મુ કાશ્મીરથી અલગ કરીને કેન્દ્રશાસિત પ્રદેશ બનાવ્યો છે. જ્યારે જમ્મુ કાશ્મીરને રાજ્યમાંથી કેન્દ્રશાસિત પ્રદેશ બનાવ્યો છે. રાજ્યમાં કોઇ પણ પ્રકારની સ્થિતિ ના વિખરે અને અલગાવવાદીઓ પ્રદર્શન ના કરે તે માટે સરકાર તરફથી હજારોની સંખ્યામાં સુરક્ષાકર્મીઓને તૈનાત કરવામાં આવ્યા છે. 

કલમ 144 વચ્ચે જમ્મૂમાં શરૂ થઇ શાળા-કૉલેજો, સ્થિતિ સામાન્ય થતા રસ્તા-બજારમાં જોવા મળી રોનક

એક તરફ જ્યાં જમ્મુ જિલ્લામાં શાળાઓ શરૂ થઇ ગઇ છે, તો બીજી તરફ શ્રીનગરમાં સ્થિતિ હજુ પણ તણાવપૂર્ણ છે.  લોકોને રોજિંદાનો સામાન લેવા માટે બજાર જવાની મંજૂરી આપવામાં આવી છે. બજારમાં ફળ, શાકભાજી, મેડીકલની દુકાનો શરૂ થઇ ગઇ છે. 

હજુ પણ કાશ્મીર ઘાટીમાં મોબાઇલ ફોન, ઇન્ટરનેટ , ટીવી-કેબલ બંઘ છે. શાળા, કૉલેજ શરૂ થયા સિવાય સરકારી ઑફિસરોને ઑફિસ જવા માટે આદેશ આપવામાં આવ્યો છે. એવામાં શુક્રવારે ઘણા સરકારી ઑફિસર પોતાની ઑફિસ પહોંચ્યા હતા.    

jammu kashmir Jammu Kashmir News section 144 ગુજરાતી ન્યૂઝ article 370
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ