અમેરિકી વિદેશ મંત્રાલયના દક્ષિણ અને મધ્ય એશિયાઈ કેસમાં બ્યૂરોએ ટ્વિટ કર્યું કે તેઓ ભારતમાં અમેરિકી રાજદૂત કેનેથ જસ્ટર તથા અન્ય વિદેશી રાજદૂતોની જમ્મૂ કાશ્મીરની યાત્રા પર નજર રાખી રહ્યા છે. જમ્મૂ કાશ્મીરમાં સ્થાનીય નેતાઓની નજરકેદ અને રાજ્યમાં ઈન્ટરનેટ બૅન પર પણ તેઓએ ચિંતા વ્યક્ત કરી છે.
તાજેતરમાં જ 15 દેશોના રાજદ્વારીઓના પ્રતિનિધિ મંડળ જમ્મુ-કાશ્મીરની મુલાકાતે આવ્યા હતા. આ સમય દરમિયાન તે કાશ્મીરી પંડિતોને મળ્યા હતા. પ્રતિનિધિ મંડળ જમ્મુની સૌથી મોટી વિસ્થાપિત કોલોની 'જગતી શિબિર' પહોંચ્યું. વિસ્થાપિતોએ પ્રતિનિધિ મંડળને કાશ્મીરને આતંકવાદથી મુક્ત કરવાની માંગ કરી હતી જેથી કાશ્મીરી પંડિત ફરી એકવાર રાજ્યમાં પાછા આવી શકે.
સુપ્રીમ કોર્ટે કલમ 370 હટાવ્યા પછી અનેક અરજીઓની કરી સુનાવણી
સુપ્રીમ કોર્ટે ગત શુક્રવારે જમ્મુ-કાશ્મીરમાંથી કલમ 370 હટાવ્યા પછી ઇન્ટરનેટ પ્રતિબંધ અને લોક ડાઉન વિરુદ્ધ દાખલ અરજીઓની સુનાવણી કરી હતી. જસ્ટિસ એન.વી. રમણા, જસ્ટિસ સુભાષ રેડ્ડી અને જસ્ટિસ બી.આર. ગવાઈની સંયુક્ત બેંચે સુનાવણી કરી. જસ્ટિસ રમણે ચુકાદો વાંચ્યો અને કાશ્મીરની સુંદરતાનો ઉલ્લેખ કરી કહ્યું કે કાશ્મીરમાં ઘણી હિંસા જોવા મળી છે.
ઈન્ટરનેટ પ્રતિબંધને લઈને જસ્ટિસ રમણાએ કહી આ વાત
ઇન્ટરનેટ પ્રતિબંધના કેસમાં જસ્ટીસ રમણાએ કહ્યું હતું કે ઇન્ટરનેટ ફ્રીડમ ઓફ સ્પીચ અને આર્ટિકલ -19 હેઠળ આવે છે. તે વાણી સ્વાતંત્ર્યનું માધ્યમ પણ છે. ઇન્ટરનેટ બંધ કરવું એ ન્યાયિક સમીક્ષાના દાયરામાં આવે છે. જમ્મુ-કાશ્મીરમાં તમામ નિયંત્રણોની સમીક્ષા એક અઠવાડિયામાં થવી જોઈએ. જરૂરી હોય ત્યાં ઇન્ટરનેટ તરત જ પુનર્સ્થાપિત થવું જોઈએ. રાજ્યમાં નાગરિકોના અધિકારો અને સુરક્ષાને સંતુલિત કરવાના પ્રયાસો ચાલુ છે.
કલમ 144ને લઈને સુપ્રીમ કોર્ટે આપ્યું આ નિવેદન
સુપ્રીમ કોર્ટે કહ્યું કે કલમ 144 લગાવવી એ પણ ન્યાયિક સમીક્ષાનો ભાગ છે. સરકાર કલમ 144 લગાવવાને લઈને જાણકારીને સાર્વજનિક કરે તે જરૂરી છે. સરકાર ઈન્ટરનેટ અને અન્ય પાબંધીઓથી છૂટી શકશે નહીં. કેન્દ્ર સરકાર ઈન્ટરનેટ બેન પર ફરી એકવાર સમીક્ષા કરે. ઈન્ટરનેટ બેનની સમયસર સમીક્ષા થવી જોઈએ.