જમ્મૂ કાશ્મીરમાં લાઇન ઓફ કંટ્રોલ (LOC) પર પાકિસ્તાન ગત કેટલાક દિવસોથી સતત સંઘર્ષ વિરામનું ઉલ્લંઘન કરી રહ્યું છે. LOC પર પાકિસ્તાને એકવાર ફરી સીઝફાયર ઉલ્લંઘન કર્યું છે. પૂંછ જિલ્લામાં મેંઢર સેક્ટરમાં પાકિસ્તાને ફાયરિંગ કર્યું.
ફાયરિંગને કારણે સ્કૂલમાં ઘણા બાળકો ફસાઇ ગયા હતા. ત્રણ કલાક સુધી થયેલ ગોળીબારીમાં સીમા પાસેનું ડારના ગામ ડર હેઠળ જીવી રહ્યું છે. આ દરમિયાન એક મિડિલ સ્કૂલના બાળકો એક જ રૂમમાં ફંસાયેલા રહ્યા. જોકે, ફાયરિંગ રોકાયા બાદ સ્કૂલના વિદ્યાર્થીઓને રજા આપી દેવાઇ.
પાકિસ્તાનની તરફથી કરવામાં આવી રહેલી ફાયરિંગનો ભારતે પણ ભરપૂર જવાબ આપ્યો. પાકિસ્તાને દબ્રાજ ગામને નિશાન બનાવી ફાયરિંગ કરી હતી. જ્યારથી જમ્મૂ કાશ્મીરના અનુચ્છેદ 370માં બદલાવ કરવામાં આવ્યો છે, પાકિસ્તાન સતત સીમા પર તણાવ પેદા કરી રહ્યું છે.
સીમા પાસેના વિસ્તારોમાં તણાવનો માહોલ
જમ્મૂ કાશ્મીરથી અનુચ્છેદ 370 હટાવ્યા બાદથી જ પાકિસ્તાન અને ભારતીય સેના વચ્ચે સીમા પર તણાવનો માહોલ છે. બોર્ડર પર ભારતીય સેના પાકિસ્તાનની નાપાક હરકતનો મૂહતોડ જવાબ આપી રહી છે. ગત ત્રણ સપ્તાહમાં ભારતીય સેનાએ LOC પર જવાબી કાર્યવાહીમાં 10થી વધારે પાકિસ્તાની સેનાના કમાન્ડોને માર્યા છે.
પાકિસ્તાની સેના ભારતીય ક્ષેત્રમાં ઘુસપેઠ કરવાની કોશિશ કરી રહી છે. સાથે જ પાકિસ્તાનની તરફથી સતત સંઘર્ષ વિરામનું ઉલ્લંઘન કરવામાં આવી રહ્યું છે. જેથી પાકિસ્તાન ભારતીય ક્ષેત્રમાં આંતકીઓની ઘુસપેઠ કરાવી શકે. એવામાં ગત ત્રણ સપ્તાહ દરમિયાન જવાબી કાર્યવાહીમાં ભારતીય સેનાએ પાકિસ્તાનના 10 એસએસજી કમાન્ડોને માર્યા છે.
ઘુસપેઠની કોશિશમાં પાકિસ્તાન
જ્યારે ગત 15 દિવસોમાં એલઓસી પાસે પાકિસ્તાની સેનાએ 100થી વધારે એસએસજી કમાન્ડો મોકલ્યા છે. આશંકા દર્શાવાઇ રહી છે કે પાકિસ્તાન ભારત વિરુદ્ધ કોઇ નવું ષડયંત્ર રચી શકે છે. આ કમાન્ડોને ઘુસપેઠ કરવા અને ભારતીય સેના વિરુદ્ધ બેટ કાર્યવાહી માટે મોકલવામાં આવ્યા છે. ભારતીય સેના એલઓસી પર પાકિસ્તાની સેનાના કોઇપણ પ્રયાસને નિષ્ફળ બનાવવા માટે હાઇ અલર્ટ પર છે.