નિમણૂંક / ગુજરાત કેડરના પૂર્વ IAS અધિકારીને બનાવાયા જમ્મૂ કાશ્મીરના ઉપરાજ્યપાલ, જાણો કોણ?

• ગિરિશચંદ્ર મુર્મૂ ગુજરાત કેડરના પૂર્વ IAS અધિકારી છે
• 31 ઓક્ટોબરથી જમ્મૂ કાશ્મીર અને લદ્દાખ કેન્દ્ર શાસિત પ્રદેશો બનશે
• રાધાકૃષ્ણ માથુરને નવા કેન્દ્ર શાસિત પ્રદેશ લદ્દાખના ઉપરાજ્યપાલ બનાવાયા

જમ્મૂ કાશ્મીરના રાજ્યપાલ સત્યપાલ મલિકની બદલી કરી દેવામાં આવી છે. તેમને ગોવાના રાજ્યપાલ બનાવવામાં આવ્યા છે. ત્યારે કલમ 370 હટાવ્યા બાદ કેન્દ્ર શાસિત પ્રદેશ બનાવવામાં આવેલ જમ્મૂ કાશ્મીરને ઉપરાજ્યપાલ મળી ગયા છે. ગુજરાત કેડરના પૂર્વ IAS અધિકારી જમ્મુ કાશ્મીરના નવા ઉપરાજ્યપાલ હશે. હાલમાં તેઓ નાણાં વિભાગમાં ખર્ચ સચિવ છે.

ત્યારે રાધાકૃષ્ણ માથુરને લદ્દાખના ઉપરાજ્યપાલ બનાવવામાં આવ્યા છે. બન્ને કેન્દ્ર શાસિત પ્રદેશ 31 ઓક્ટોબરે અસ્તિત્વમાં આવશે. સત્યપાલ મલિક બિહારના પૂર્વ રાજ્યપાલ રહી ચૂક્યા છે. મલિકને 2018માં કેટલાક મહિનાઓ માટે ઓડિસાનો વધારોનો ચાર્જ સોંપવામાં આવ્યો હતો. સત્યાપાલ મલિક 1980-86 અને 1986-1992 સુધી ઉત્તરપ્રદેશની રાજ્યસભાના સભ્ય રહ્યા. તેઓ 1974થી 1977 સુધી ઉત્તરપ્રદેશ વિધાનસભાના સભ્ય પણ રહી ચૂક્યા છે.