એન્કાઉન્ટર / જમ્મુ- કાશ્મીરમાં સેનાએ વધુ એક જૈશેના આતંકીને કર્યો ઠાર, 3 જવાન ઘાયલ

• જમ્મૂ-કશ્મીરના કુલગામમાં સેના-આતંકીઓ વચ્ચે અથડામણ
• સેનાએ જૈશના એક આતંકીને ઠાર કર્યો
• સેનાના 3 જવાન ઘાયલ
• કુલગામના નાગનાદ ચિમ્મેર વિસ્તારમાં થઈ અથડામણ

જમ્મુ કાશ્મીરના કુલગામના નાગનાદ ચિમ્મેર વિસ્તારમાં સેના અને આતંકી વચ્ચે અથડામણ થઈ છે. સેના, પોલીસ અને સીઆરપીએફની સંયુક્ત ટીમે આ ઓપરેશન હાથ થર્યુ હતું એ જૈશેના 1 આતંકવાદીઓને ઠાર કર્યા હતા. જોકે હજુ સુધી આતંકવાદીની ઓળખ થઈ શકી નથી.

સેનાને આ વિસ્તારમાં આતંકવાદીઓ છુપાયા હોવાની સૂચના મળી હતી. એ બાદ પોલીસ, સેના અને સીઆરપીએફની સંયુક્ત ટીમે આ વિસ્તારને ઘેરી લઈ સર્ચ ઓપરેશન હાથ ધર્યું હતું. આ દરમિયાન આતંકીઓએ ફાયરિંગ શરુ કરી દીધુ હતુ. તેની સામે આ ટીમે જવાબી કાર્યવાહી કરી હતી.

મરનારા આતંકી પાસેથી  એકે 47 રાઈફલ મળી આવી હતી. આ પહેલા એલએસી પાસે પણ આતંકીની ઘૂસણખોરીને નિષ્ફળ બનાવી હતી. ઉલ્લેખનીય છે કે સેનાના ઘાટીમાં આતંકીના સફાયા ઓપરેશનમાં 131 આતંકીને ઠાર કર્યા છે.