વિવાદ / કાશ્મીર મુદ્દે બ્રિટિશ નેતા સાથે મુલાકાતને લઇને ભાજપના પ્રહાર બાદ કોંગ્રેસે કર્યો ખુલાસો

• કાશ્મીરમાં તણાવ ઓછો કરવાનો પ્રયાસ થવો જોઇએઃ કોર્બીન
• ભાજપે કહ્યું હતું કે કોંગ્રેસે જવાબ આપવો જોઇએ
• ભાજપ જૂઠ્ઠાણુ ફેલાવી રહી છેઃ કોંગ્રેસ

રાફેલની પૂજા અંગે સવાલ ઉઠાવનાર કોંગ્રેસ પક્ષ માટે નવી મુસીબત ઉભી થઈ છે. હકીકતમાં બ્રિટનની લેબર પાર્ટીના નેતા જેરેમી કોર્બીને કોંગ્રેસના પ્રતિનિધિમંડળ સાથે બેઠક કર્યા બાદ કાશ્મીરનો મુદ્દો ઉઠાવ્યો છે. ત્યારે આ મામલે ભાજપ કોંગ્રેસ સામસામે આવી ગઇ છે.

ભાજપ જૂઠ્ઠાણુ ફેલાવી રહી છેઃ કોંગ્રેસ

કાશ્મીરથી જોડાયેલી ઘટના દેશનો આંતરિક મામલો છે. લેબર પાર્ટીના કાશ્મીર સંબંધી પ્રસ્તાવનો વિરોધ કર્યો છે. 6 ઓગસ્ટે કોંગ્રેસે કાશ્મીર મામલે પ્રસ્તાવ મુક્યો હતો. કાશ્મીર આંતરિક મામલો હોવાનો પ્રસ્તાવ પાસ કર્યો હતો. સાચી સ્થિતિ છૂપાવવા ભાજપ જૂઠ્ઠાણુ ફેલાવી રહી છે. 

Our meeting with @jeremycorbyn was held to condemn the Kashmir resolution passed by his Party & to reiterate that J&K is an internal matter & outside intervention will not be accepted. @BJP4India's malicious statements are another attempt to distract people from their failures.

— Indian Overseas Congress UK (@TeamIOCUK) October 10, 2019

કાશ્મીરમાં તણાવ ઓછો કરવાનો પ્રયાસ થવો જોઇએઃ કોર્બીન

બ્રિટનની લેબર પાર્ટીના નેતા કોર્બીને ટ્વિટ કર્યુ હતું. કોંગ્રેસ સાથે બેઠક સારી રહી હોવાનો ઉલ્લેખ કર્યો હતો. કાશ્મીરમાં માનવ અધિકાર પર ચર્ચા થઈ હોવાનું જણાવ્યું હતું. કોંગ્રેસની લેબર પાર્ટી સાથેની બેઠક અંગે ભાજપે પ્રહાર કર્યા હતા. કોર્બીને કહ્યું કે આ પ્રદેશમાં તણાવ ઓછો કરવાનો પ્રયાસ થવો જોઈએ અને હિંસાનો તબક્કો સમાપ્ત થવો જોઈએ. આ સમગ્ર મામલે ભાજપે કોંગ્રેસ પર પ્રહાર કર્યા હતા. 

Appalling! @INCIndia owes it to the people of India to explain what its leaders are telling foreign leaders about India.

India will give a befitting reply to Congress for these shameful shenanigans! https://t.co/Sb0MThF17A

— BJP (@BJP4India) October 10, 2019

ભાજપે કહ્યું હતું કે કોંગ્રેસે જવાબ આપવો જોઇએ

ભાજપે ટ્વીટ કર્યું હતું કે વિદેશી નેતાઓ સાથે ચર્ચા દરમિયાન તેમના નેતાઓએ જે કહ્યું છે તેનો કોંગ્રેસે જવાબ આપવો જોઈએ. તો આ મામલે સ્પષ્ટતા કરતા કોંગ્રેસના નેતા આનંદ શર્માએ કશ્મીરને ભારતનો સંપૂર્ણ આંતરિક મામલો ગણાવ્યો હતો. ભાજપે કહ્યું હતું કે, કોંગ્રેસે દેશ સાથે દગાખોરી કરી છે. દેશની જનતા કોંગ્રેસને જવાબ આપશે.