જમ્મુ-કાશ્મીર / પાકિસ્તાની ડ્રોનથી ભારતમાં પહોંચ્યા હથિયાર, બોર્ડર પર દારૂગોળો જપ્ત, સુરક્ષાદળો સાથે અથડામણમાં એક આતંકી ઠાર

• જમ્મુ-કાશ્મીરના અરનિયામાં એક આતંકવાદી ઠાર મરાયો
• પાકિસ્તાની ડ્રોનથી છોડાયેલ હથિયાર અને દારૂગોળા જપ્ત
• આતંકી મોહમ્મદ અલી હુસૈને જવાન પર ફાયરિંગ કર્યું હતું

 સુરક્ષાદળો સાથેની અથડામણમાં જમ્મુ-કાશ્મીરના અરનિયામાં એક આતંકીને ઠાર કરવામાં આવ્યો છે. મોહમ્મદ અલી હુસૈન નામના આતંકીને સુરક્ષાદળોએ ઠાર કર્યો છે તો બીજી બાજુ ટોફ ગામમાં એક પાકિસ્તાની ડ્રોનથી છોડવામાં આવેલા હથિયાર અને દારૂગોળા જપ્ત કરવામાં આવ્યા છે. આ માહિતી પોલીસ દ્વારા આપવામાં આવી છે.

Cache of arms dropped from drone on Jammu border seized; terrorist-informer killed in encounter

— Press Trust of India (@PTI_News) August 18, 2022

મોહમ્મદ અલી હુસૈન લશ્કર-એ-તૈયબા અને અલ બદરનો મુખ્ય ઓપરેટિવ હતો

તેઓએ કહ્યું કે, પાકિસ્તાની ડ્રોનમાંથી છોડવામાં આવેલા હથિયાર અને દારૂગોળાની વસૂલાતના સંબંધમાં આ વર્ષે 24 ફેબ્રુઆરીએ અરનિયા પોલીસ સ્ટેશનમાં કેસ નોંધવામાં આવ્યો હતો. જમ્મુના એક આરોપીએ ખુલાસો કર્યો છે કે, એક પાકિસ્તાની હેન્ડલર મોહમ્મદ અલી હુસૈન ઉર્ફે કાસિમ ડ્રોનને તોડી પાડવામાં મહત્વનો ભાગ ભજવે છે અને તે લશ્કર-એ-તૈયબા (LeT) અને અલ બદરનો મુખ્ય ઓપરેટિવ હતો.

આરોપીને કોર્ટમાં રજૂ કરવામાં આવ્યો હતો, જ્યાંથી તેને પોલીસ રિમાન્ડ પર મોકલવામાં આવ્યો છે. પોલીસનું કહેવું છે કે સતત પૂછપરછ દરમિયાન આરોપીએ અરનિયા હથિયાર છોડવાના કેસમાં પોતાની ભૂમિકા કબૂલ કરી અને બે સ્થાનોનો પણ ખુલાસો કર્યો કે જ્યાંથી ડ્રોનમાંથી છોડવામાં આવેલા હથિયારો અને દારૂગોળો છુપાવવામાં આવ્યા હતા. હથિયાર જપ્ત કરવા માટે સંબંધિત મેજિસ્ટ્રેટ સાથે પોલીસની ટીમ એક પછી એક ઘટનાસ્થળે પહોંચી હતી.

J&K | National Investigation Agency (NIA) conducts raids at multiple locations in Jammu.

(Visuals from Faisal Muneer's residence) pic.twitter.com/DQvs7aoHMX

— ANI (@ANI) August 18, 2022

આતંકીએ જવાન પર ફાયરિંગ કર્યું હતું

DGP મુકેશ સિંહે કહ્યું કે, "જો કે, પહેલા સ્થાન પર કોઇ પણ પ્રકારની જપ્તિ ન હોતી થઇ. પરંતુ બીજા સ્થાન પર ફલિયાં મંડલ ક્ષેત્રના ટોફ ગામમાં હથિયારો, ગોળાબારૂદ અને વિસ્ફોટકોનો એક જથ્થો જપ્ત થયો. જે સમયે પેકેટ ખોલવામાં આવી રહ્યું હતું તે સમયે આરોપીએ એક પોલીસ અધિકારી પર હુમલો કર્યો હતો અને તેઓની સર્વિસ રાઇફલ છીનવી લીધી. તેઓએ પોલીસ પાર્ટી પર ગોળી ચલાવી અને મોકો જોઇને ભાગવાની કોશિશ કરી હતી.

અધિકારીએ જણાવ્યું કે, જવાબી કાર્યવાહીમાં આરોપી આતંકવાદી ઘાયલ થયો અને ઘાયલ પોલીસ અધિકારીની સાથે તેને ગવર્મેન્ટ મેડિકલ કોલેજ જમ્મુમાં લાવવામાં આવ્યો. જ્યાં ઘાયલ આતંકવાદીએ દમ તોડ્યો હતો. પછી બોમ્બ નિરોધક ટીમની મદદથી પેકેટની શોધખોળ હાથ ધરવામાં આવી. ત્યારે પેકેટમાંથી એક એકે રાઇફલ, મેગેજીન, 40 AK રાઉન્ડ, એક સ્ટાર પિસ્ટલ, પિસ્ટલ રાઉન્જ અને ચીનના બનેલા નાના હાથગોળા જપ્ત કરવામાં આવ્યા છે. હાલમાં આ મામલે પોલીસ વધુ તપાસ હાથ ધરી રહી છે.