ધરપકડ / જમ્મૂ કાશ્મીરમાં આર્મીને મળી મોટી સફળતા, વસીમ ગની સહિત લશ્કર-એ-તૈયબાના 4 આતંકીની ધરપકડ

• બડગામ પોલીસ અને ભારતીય સેનાની 53આરઆરએ સંયુક્ત રૂપે 4 આતંકીઓની ધરપકડ કરી
• પાકિસ્તાન સતત જમ્મૂ કાશ્મીરમાં ડરનો માહોલ બનાવવાની કોશિશ કરી રહ્યું છે

પ્રાપ્ત જાણકારી મુજબ, રવિવારે બડગામ જિલ્લાના બીરવા વિસ્તારમાં સ્થાનીય પોલીસ અને ઇન્ડિયન આર્મીની 53 આરઆરએ સંયુક્ત અભિયાનમાં આ સફળતા હાંસલ કરી છે. સુરક્ષા દળોએ વિસ્તારમાં સર્ચ અભિયાન દ્વારા આ ચાર આતંકવાદીઓની ધરપકડ કરી છે. 

Budgam Police and Indian Army's 53RR has arrested a top LeT terror associate Wasim Ganie of Beerwah along with 3 over ground workers. This group was involved in providing shelter and logistic support to terrorists in the area: Jammu and Kashmir Police

— ANI (@ANI) May 24, 2020

તેમા એક લશ્કર-એ-તૈયબાનો અસોસિએટ વસીમ ગનીની પણ ધરપકડ કરાઇ છે. આ ઓપરેશનમાં અન્ય 3 આતંકવાદીઓની પણ ધરપકડ કરાઇ છે. આ લોકો વિસ્તારમાં આતંકવાદીઓના રહેવાની જગ્યા ઉપલબ્ધ કરાવે હતા.

સુરક્ષા દળો પર હુમલાની તૈયારી

પાકિસ્તાન સતત જમ્મૂ કાશ્મીરમાં ડરનો માહોલ બનાવવાની કોશિશ કરી રહ્યું છે. થોડા દિવસો પહેલા જાણકારી મળી હતી કે પાકિસ્તાન સમર પ્લાન બનાવી રહ્યું છે. જેમા લશ્કર અને જૈશ એ મોહમ્મદના બેનર હેઠળ આતંકી ઇરાદાઓને પાર પાડવાની તૈયારી થઇ રહી છે. સૂત્રોના હવાલાથી પ્રાપ્ત જાણકારી મુજબ, પાકિસ્તાન આગામી 10 દિવસમાં સુરક્ષા દળો પર મોટા હુમલાની તૈયારી કરી રહ્યું છે.