જમ્મૂ કાશ્મીરમાં વિધાનસભા ચૂંટણીની તૈયારીઓ કરવામાં આવી છે. ઝારખંડ, મહારાષ્ટ્ર અને હરિયાણા વિધાનસભાની ચૂંટણી સાથે જમ્મૂ કાશ્મીરની ચૂંટણી પણ યોજાઇ શકે છે.
સૂત્રો પાસેથી મળી રહેલી માહિતી પ્રમાણે ચૂંટણીપંચ દ્વારા વિધાનસભા ચૂંટણીની તૈયારીઓ શરૂ કરવામાં આવી છે. ચાલુ વર્ષના અંત સુધી વિધાનસભા ચૂંટણી યોજાઇ શકે છે. અન્ય રાજ્યોની સાથે જમ્મૂ કાશ્મીરમાં પણ થઇ શકે છે. કારણ કે આ વર્ષના અંતમાં મહારાષ્ટ્ર, ઝારખંડ અન હરિયાણા વિધાનસભાની ચૂંટણી યોજાવા જઈ રહી છે. ત્યારે તેની સાથે ચૂંટણી યોજાઈ શકે છે.
ભાજપ સક્રિય
ભલે હજુ સાથે વિધાનસભા ચૂંટણી કરાવવાની વાત ચાલી રહી હોય, પરંતુ ભાજપ સમગ્ર રીતે એક્ટિવ થઇ ગયું છે. ભાજપે જમ્મૂ કાશ્મીર રાજકીય સ્થિતિ પર ચર્ચા કરવા અને વિધાનસભા ચૂંટણી માટે પાર્ટીની તૈયારી પર મંગળવારે પોતાની જમ્મૂ કાશ્મીર એકમ કોર ગ્રુપની બેઠક બોલાવી છે.
જણાવાય રહ્યું છે કે, આ બેઠકમાં પ્રધાનમંત્રી નરેન્દ્ર મોદી, ગૃહમંત્રી અમિત શાહ, કેન્દ્રીય મંત્રી જિતેન્દ્રસિંહ, ભાજપ મહાસચિવ રામ માધવ, જમ્મુ કાશ્મીરના પ્રદેશ અધ્યક્ષ રવિંદ્ર રૈના અને રાજ્યના અન્ય નેતા ભાગ લેશે. એવો અંદાજ લગાવવામાં આવી રહ્યો છે કે જમ્મુ કાશ્મીરમાં 10 હજારથી વધુ સુરક્ષા દળોને તૈનાત કરવાનું મુખ્ય કારણ વિધાનસભા ચૂંટણી છે.
ત્રણ રાજ્યોમાં અટકળો
જોકે આ પહેલા રિપોર્ટ આવ્યો હતો કે ઝારખંડમાં વિધાનસભા ચૂંટણી નક્કી સમયે જ થઇ શકે છે. મહારાષ્ટ્ર અને હરિયાણાની સાથે ઝારખંડમાં પણ વિધાનસભા ચૂંટણીની પ્રક્રિયા પૂર્ણ કરવાની ચર્ચા ચાલી રહી હતી.
જણાવી દઇએ કે હરિયાણા વિધાનસભાનો કાર્યકાળ 2 નવેમ્બરે પૂર્ણ થઇ રહ્યો છે, જ્યારે મહારાષ્ટ્રનો 11 નવેમ્બરે. ઝારખંડ વિધાનસભાનો કાર્યકાળ 5 જાન્યુઆરી 2020એ સમાપ્ત થવા જઇ રહ્યો છે. સૂત્રો દ્વારા મળતી માહિતી અનુસાર, સમય પહેલા જ ચૂંટણીની સ્થિતિમાં ઝારખંડ સપ્ટેમ્બરના છેલ્લા અઠવાડિયામાં અથવા ઓક્ટોબરના પ્રથમ અઠવાડિયામાં ચૂંટણીની જાહેરાત થઇ શકે છે, જ્યારે નવેમ્બર સુધી ચૂંટણી પ્રક્રિયા પૂર્ણ કરી દેવામાં આવશે.
મહારાષ્ટ્ર અને હરિયાણા ચૂંટણી એકથી દોઢ મહિના બાદ ઝારખંડમાં અલગ ચૂંટણી કરાવવાનો કોઇ વ્યાજબીકારણ સામે નથી આવી રહ્યું. તેવામાં ત્રણ રાજ્યોમાં ચૂંટણી એક સાથે કરાવવા પર સહમતિ બની શકે છે.