આર્ટિકલ-370 / સુરક્ષા વ્યવસ્થાનો તાગ મેળવવા જમ્મુ કાશ્મીરની મુલાકાતે જશે NSA અજીત ડોભાલ

નોંધનીય છે કે, જમ્મુ કાશ્મીરમાં કડક વ્યવસ્થા ગોઠવવામાં આવી છે. હાલમાં અર્ધલશ્કરી દળોના એક લાખ સૈનિકો સ્ટેન્ડ ટૂ છે. જમ્મુ-કાશ્મીરમાં હલચલ તેજ છે. શ્રીનગર અને જમ્મુમાં કલમ 144 લાગુ કરવામાં આવી છે.

બંને શહેરોમાં મોબાઇલ અને ઇન્ટરનેટ સેવાઓ પણ બંધ છે. આ પહેલીવાર છે જ્યારે ખીણમાં મોબાઇલ, ઇન્ટરનેટ સેવાઓ સાથે લેન્ડલાઈન સેવા બંધ કરવામાં આવી છે. કારગિલ યુદ્ધ દરમિયાન પણ લેન્ડલાઇન સેવા બંધ કરવામાં આવી ન હતી.

શ્રીનગર અને જમ્મુમાં સુરક્ષાને ધ્યાનમાં રાખીને કલમ 144 લાગુ કરવામાં આવી છે. સામાન્ય લોકોને બહાર ન નીકળવા જણાવ્યું છે. આવી રીતે, લોકોના જૂથને સાથે મળીને બહાર નીકળવા પર પ્રતિબંધ લાદવામાં આવ્યું છે. 

NSA Ajit Doval is expected to visit Kashmir valley today along with other senior security officials to review the situation on ground. NSA Doval had earlier visited Srinagar in last week of July before the implementation of decision to revoke Article 370. (file pic) pic.twitter.com/lHhjiazZSx

— ANI (@ANI) August 5, 2019

સમગ્ર ખીણમાં મોબાઈલ ઇન્ટરનેટ પર પ્રતિબંધ મૂકવામાં આવ્યો છે. પહેલા ફક્ત મોબાઈલ સેવા બંધ કરાઈ હતી અને તે પછી લેન્ડલાઈન સેવા પણ બંધ કરી દેવામાં આવી છે. આવી સ્થિતિમાં સેટેલાઇટ ફોન હવે સુરક્ષા દળોને આપવામાં આવ્યા છે, જેથી કોઈ પણ પરિસ્થિતિ સંભાળી શકાય.

ઉલ્લેખનીય છે કે, જમ્મુ કાશ્મીર પર ચાલી રહેલી તમામ અટકળો અટકી ગઇ છે, કેન્દ્ર સરકારની મોદી સરકારે જમ્મુ કાશ્મીર પર ઐતિહાસિક અને અભૂતપૂર્વ નિર્ણય કર્યો છે. અમિત શાહે સોમવાર 5 ઓગસ્ટના રોજ રાજ્યસભામાં 2 અગત્યના સંકલ્પ રજૂ કર્યા. 

આ ઠરાવમાં જમ્મુ-કાશ્મીરમાંથી કલમ- 37૦ હટાવવા અને જમ્મુ-કાશ્મીર રાજ્યને બે ભાગમાં વહેંચવાનો ઠરાવ શામેલ છે. જમ્મુ-કાશ્મીર હવે કેન્દ્રશાસિત ક્ષેત્ર બનશે. આ રાજ્યની પોતાની વિધાનસભા હશે. જ્યારે લદ્દાખ હવે જમ્મુ-કાશ્મીરથી અલગ કેન્દ્રશાસિત પ્રદેશ બનશે. લદ્દાખમાં વિધાનસભા નહીં થાય.

સંસદમાં અમિત શાહે કહ્યું કે કાશ્મીરમાં એક ગેરસમજ છે કે કાશ્મીર આર્ટિકલ 370 ને કારણે ભારતની સાથે છે. અમિત શાહે કહ્યું કે કાશ્મીર ભારતના મર્જર પત્રને કારણે છે જેના પર 1947 માં હસ્તાક્ષર થયા હતા.

અમિત શાહનું નિવેદન

ગૃહમંત્રી અમિત શાહે સોમવારના રોજ રાજ્યસભામા એક સંકલ્પ રજૂ કર્યો કે જેમાં કહેવામાં આવ્યું કે, સંવિધાનની કલમ 370ના તમામ ખંડ જમ્મૂ-કાશ્મીરમાં લાગુ નહીં થાય. ગૃહમંત્રીએ કહ્યું, 'રાષ્ટ્રપતિના અનુમોદન બાદ કલ 370ના તમામ ખંડ લાગુ નહીં થાય.' આ પહેલા સોમવાર સવારનાં પ્રધાનમંત્રી નરેન્દ્ર મોદીની અધ્યક્ષતામાં કેન્દ્રીય મંત્રીમંડળના એક કલાક લાંબી બેઠક ચાલી. 
જેમાં ઉચ્ચ નેતૃત્વએ જમ્મૂ-કાશ્મીરથી સંબંધિત મુદ્દાઓ પર ચર્ચા કરી. ત્યારે રાજ્યસભામાં બીએસપી નેતા સતીશ ચંદ્ર મિશ્રાએ કહ્યું કે, તેમની પાર્ટી જમ્મૂ-કાશ્મીરથી કલમ 370 હટાવવાના નિર્ણય પર કેન્દ્ર સરકારનું સમર્થન કરશે.