ચાઈનીઝ પિસ્તોલ સહિત મોટી માત્રામાં મળી આવ્યા હથિયારો
નૂરકોટ ગામમાં સેના અને પોલીસ દ્વારા સંયુક્ત સર્ચ ઓપરેશન હાથ ધરાયું
જમ્મુ-કશ્મીરમાં સુરક્ષાદળોએ પુંછ જિલ્લામાં નિયંત્રણ રેખા નજીક આવેલા એક ગામમાં એક આતંકવાદીઓના ઠેકાણાનો પર્દાફાશ કરવામાં આવ્યો છે. અધિકારીઓએ સોમવારે આ અંગેની જાણકારી આપી છે. અધિકારીઓએ જણાવ્યું હતું કે, નૂરકોટ ગામમાં સેના અને પોલીસ દ્વારા સંયુક્ત સર્ચ ઓપરેશન દરમિયાન આ ઠેકાણાંની શોધ કરવામાં આવી હતી.
અધિકારીઓએ જણાવ્યું હતું કે, જપ્ત કરવામાં આવેલા શસ્ત્રો અને દારૂગોળામાં બે AK-47 રાઈફલની સાથે બે મૈગઝીન અને 63 કારતૂસો, એક 223 બોરની એકે આકારની ગન, તેના બે મૈગઝીન તથા 20 કારતૂસો અને એક ચીની ગન પણ સામેલ છે.
J&K | Army & Spl Ops Group carried out a jt op & recovered arms & ammunition from a village along LoC in Poonch dist. Two AK-47 rifles, one 223 bore AK shape gun with handgrip, 1 Chinese Pistol, 1 Chinese pistol magazine, 63 AK-47 rounds, four Chinese pistol rounds etc recovered pic.twitter.com/4z2zfDwMRL
અધિકારીઓએ કહ્યું કે, ચોક્કસ માહિતીના આધારે ઓપરેશન રવિવારનાં મોડી સાંજે શરૂ કરવામાં આવ્યું હતું, જો કે આ સમયગાળા દરમિયાન કોઈની પણ ધરપકડ કરવામાં નથી આવી.
બોમ્બ ફેંકનાર મહિલાની કરાઇ છે ધરપકડ
તાજેતરમાં જ જમ્મુ-કાશ્મીરના સોપોરમાં સેન્ટ્રલ રિઝર્વ પોલીસ ફોર્સના બંકર પર પેટ્રોલ બોમ્બ ફેંકનાર મહિલાની ધરપકડ કરી લેવાઇ છે. આ માહિતી ખુદ પોલીસ અધિકારીઓએ જ આપી હતી. તેઓએ કહ્યું કે, હુમલાના થોડાં કલાકોમાં જ મહિલાની ઓળખ થઈ ગઈ હતી અને પછી તુરંત સુરક્ષા કર્મચારીઓએ તેની ધરપકડ કરી લીધી.ઉલ્લેખનીય છે કે, જમ્મુ-કાશ્મીર (Jammu Kashmir) ના સોપોરમાં સુરક્ષા દળના એક બંકર પર પેટ્રોલ બોમ્બ ફેકનારી મહિલાની પોલીસે બે દિવસની જહેમત બાદ ગુરુવારે ધરપકડ કરી લીધી હતી. તેણે બુરખો પહેરી આ ઘટનાને અંજામ આપ્યો હતો. જો કે તે ઘટના CCTVમાં કેદ થઇ ગઇ હતી. આ ઘટનાનો વીડિયો પણ વાયરલ થયો હતો.