ટ્વીટ કરાયેલા 11 સેકંડના વીડિયો ક્લિપમાં 6 વર્ષની માસૂમ બાળકીએ કહ્યું છે કે અસ્સલામ અલૈકુમ મોદીજી. હું 6 વર્ષની છું અને જે નાના બાળકો હોય છે તેમને મેડમ અને સર વધારે કામ કેમ આપે છે?
કોરોના મહામારીના કારણે દેશમાં હાલમાં લાખો બાળકો ઘરમાં રહેવા મજબૂર છે અને તેમની દિનચર્યા પણ બદલાઈ છે. શાળાઓ બંધ હોવાના કારણે ઓનલાઈન ક્લાસ ચાલી રહ્યા છે. સાથે તેમને કલાકો સુધી ઓનલાઈન ભણવું પડે છે. આ સમયે જમ્મૂ કાશ્મીરની એક 6 વર્ષની કંટાળેલી બાળકીએ પોતાના માસૂમ અંદાજમાં પીએમ મોદીને નામે વીડિયો શેર કર્યો છે જે ખૂબ જ વાયરલ થઈ રહ્યો છે.
જમ્મૂ કાશ્મીરના ઉપરાજ્યપાલે લીધું એક્શન
આ કિસ્સો જમ્મૂ કાશ્મીરનો છે. બાળકીનો વીડિયો વાયરલ થયા બાદ જમ્મૂ કાશ્મીરના ઉપરાજ્યપાલ મનોજ સિન્હાએ તપાસ કરી છે. તેઓએ ટ્વિટ કરીને કહ્યું કે ખૂબ જ મનમોહક ફરિયાદ. શાળાના બાળકો પર હોમવર્ક ઘટાડવા માટે એજ્યુકેશન ડિપાર્ટમેન્ટને 48 કલાકમાં નવી નીતિ બનાવવાના આદેશ અપાયા છે. બાળપણની માસૂમિયત ભગવાનની દેન છે અને બાળપણ જીવંત, આનંદ અને સુખથી ભરપૂર હોવું જોઈએ.
Very adorable complaint. Have directed the school education department to come out with a policy within 48 hours to lighten burden of homework on school kids. Childhood innocence is gift of God and their days should be lively, full of joy and bliss. https://t.co/8H6rWEGlDa
— Office of LG J&K (@OfficeOfLGJandK) May 31, 2021
શું કહેવાયું છે ટ્વિટ કરાયેલા 11 સેકંડના વીડિયોમાં તે પણ જાણો
ટ્વીટ કરાયેલા 11 સેકંડના વીડિયો ક્લિપમાં 6 વર્ષની માસૂમ બાળકીએ કહ્યું છે કે અસ્સલામ અલૈકુમ મોદીજી. હું 6 વર્ષની છું અને જે નાના બાળકો હોય છે તેમને મેડમ અને સર વધારે કામ કેમ આપે છે? આટલું કામ મોટા બાળકો માટે હોય છે. જ્યારે હું સવારે ઉંઠું ત્યારે 10 વાગ્યાથી 2 વાહ્યા સુધી ક્લાસ હોય છે. એક હોય છે ઈંગ્લિશ, એના પછી મેથ્સ, એના પછી ઉર્દૂ, એના પછી ઈવીએસ અને એના પછી કોમ્પ્યુટર. આટલું વધારે કામ મોટા બાળકોનું હોય છે.નાના બાળકોને આટલું કામ કેમ રાખો છો મોદી સાહેબ.
ઉપરાજ્યપાલ મનોજ સિન્હાએ વીડિયો કર્યો રીટ્વિટ
ટ્વિટર પર નમ્રતા વખલૂએ બાળકીનો વીડિયો ટ્વિટ કર્યો. તેની ટ્વીટને જમ્મૂ કાશ્મીરના ઉપરાજ્યપાલ મનોજ સિન્હાએ રીટ્વિટ કર્યો. વીડિયો વાયરલ થયો અને સાથે તેને 3 લાખ 21 હજારથી વધુ લોકો જોઈ ચૂક્યા છે. આ સિવાય 4500થી વધુ લોકો રીટ્વીટ કરી ચૂક્યા છે. તો 1100 લોકો કોટ ટ્વિટ કરી ચૂક્યા છે અને 18 000થી વધારે લોકો લાઈક કરી ચૂક્યા છે.