નિર્ણય / 370 હટાવ્યા બાદ પ્રથમ વખત જમ્મૂ કાશ્મીરના લોકોને મળશે આ સેવા

• જમ્મૂ અને કાશ્મીરમાં 2જી ઇન્ટરનેટ સેવા આજથી શરૂ
• સ્થાનિકો 301 વેબસાઇટ ખોલી શકશે, સોશિયલ મીડિયા પર રહેશે પ્રતિબંધ

જમ્મૂ-કાશ્મીરમાં આર્ટિકલ 370 હટાવ્યા બાદ ઘણા લાંબા સમયથી પ્રીપેડ મોબાઈલ કનેક્શન પર કોલ અને SMSની સેવાને બંધ કરી દેવામાં આવી હતી. જો કે, હવે જમ્મૂ-કાશ્મીરમાં સ્થાનીય પ્રિપેડ સિમ કાર્ડ પર વોઈસ અને SMS સુવિધાઓને શરૂ કરી દેવામા આવી છે. જમ્મૂ કાશ્મીરના લોકો 301 વેબસાઇટ ખોલી શકશે, પરંતુ સોશિયલ મીડિયા એપ પર પ્રતિબંધ લાગૂ રહેશે.

સાથે જ અમુક વિસ્તારોમાં 2G ઈન્ટરનેટ સેવાને પણ શરૂ કરી દેવામા આવી છે. અગાઉ જમ્મૂના તમામ 10 જીલ્લા અને કાશ્મીરના બે જિલ્લા, કુપવાડા અને બાંદીપોરામાં ઇન્ટરનેટ સેવા શરૂ કરી દેવામાં આવી હતી. આ સિવાય જમ્મૂ કાશ્મીર તંત્રના પ્રમુખ સચિવ રોહિત કંસલે કહ્યું કે તમામ પ્રીપેડ કનેક્શનો માટે વૉઇસ કોલ અને એસએમએસ સેવાઓ શરૂ કરી દેવામાં આવી. 5 ઓગસ્ટે કલમ 370 નાબૂદ કર્યા બાદ જમ્મૂ કાશ્મીરમાં ટેલિકમ્યુનિકેશન સેવાઓ બંધ કરી દેવામાં આવી હતી.

Government of Jammu&Kashmir: Access shall be limited only to whitelisted sites&not to any social media applications allowing peer to peer communication and virtual private network applications. Directions shall be effective from 25 Jan & will remain in force till 31 Jan. (2/2) https://t.co/tkPQ18anyp

— ANI (@ANI) January 24, 2020

સુપ્રીમ કોર્ટે ઇન્ટરનેટ સેવા શરૂ કરવા કહ્યું હતું

આ પગલું ત્યારે ભરવામાં આવ્યું છે, જ્યારે સુપ્રીમ કોર્ટે જમ્મૂ-કાશ્મીરની સરકારને કેન્દ્ર શાસિત પ્રદેશોમાં લાગેલ પ્રતિબંધોની સમીક્ષા કરવાનો આદેશ આપ્યો છે. સુપ્રીમ કોર્ટે કહ્યું હતું કે, સંવિધાનની કલમ 19 હેઠળ ઈન્ટનેટનો ઉપયોગ કરવો દરેક વ્યક્તિનો મૌલિક અધિકાર છે.