સુરક્ષા અધિકારીઓએ કહ્યું કે 3 ડ્રોન બારી બ્રાહમણા અને ગગવાલમાં જમ્મૂ પઠાણકોટ રાજમાર્ગ પર સંવેદનશીલ સુરક્ષા સ્થળો પર જોવા મળ્યા અને તરત ગાયબ થઈ ગયા.
જમ્મુમાં વધુ 3 પાકિસ્તાની ડ્રોન દેખાતા મચ્યો હડકંપ
વિવિધ વિસ્તારોમાં દેખાયા બાદ ડ્રોન થયા ગાયબ
ડ્રોન બારી બ્રાહમણા અને ગગવાલમાં જમ્મૂ પઠાણકોટ રાજમાર્ગ પર જોવા મળ્યા
જમ્મૂ કાશ્મીરના સાંબા જિલ્લામાં 3 અલગ અલગ સ્થાનો પર સંદિગ્ધ પાકિસ્તાની ડ્રોન ફરતા દેખાયા. આ જાણકારી અધિકારીઓએ ગુરુવારે આપી. અધિકારીઓએ કહ્યું કે ડ્રોન ગુરુવારે રાતે લગભગ સાડા આઠ વાગે બારી-બ્રાહ્મણ, ચિલાદ્યા અને ગગવાલ વિસ્તારમાં એક જ સમયે જોવા મળ્યા હતા.
આ સમયે જોવા મળ્યા ડ્રોન
આ ડ્રોન એવા સમયે જોવા મળ્યા જ્યારે લગભગ એક અઠવાડિયા પહેલા પોલિસની પાસેની સીમાવર્તી કનચક વિસ્તારમાં 5 કિલોગ્રામ આઈઈડી સામગ્રી લઈ જવાઈ રહી હતી. આ પાકિસ્તાની ડ્રોનને પાડી દેવાયું હતું. અધિકારીઓએ કહ્યું કે સીમા સુરક્ષા બળના જવાનોએ પાકિસ્તાનની તરફ આવી રહેલા એક ડ્રોન પર ચિલાદ્યામાં કેટલીક ગોળીઓ ચલાવી હતી. અધિકારીઓએ કહ્યું કે અન્ય 2 ડ્રોન બારી બ્રાહ્મણા અને ગગવાલમાં જમ્મૂ પઠાનકોટ રાજમાર્ગ પર સંવેદનશીલ સુરક્ષા પ્રતિષ્ઠાનો પર ફરતા મળ્યા બાદ તરત ગાયબ થઈ ગયા હતા.
આ પહેલા પણ 23 જુલાઈએ જમ્મૂ કાશ્મીરમાં એક જ દિવસમાં ત્રણ ડ્રોન જોવા મળ્યા હતા અને સાથે પૂંછ સેક્ટરમાં PIA લખેલુ બલૂન જોવા મળ્યું જેની પર પાકિસ્તાનનો ફ્લેગ પણ હતો. પોલીસે ડ્રોનને તોડી પાડ્યું હતું. શુક્રવારે સાંજે જમ્મૂ ડિવિઝનમાં 2 ડ્રોન જોવા મળ્યા અને સાથે કાશ્મીરમાં 3 વાર ડ્રોન જોવા મળ્યા. સુરક્ષા બળોએ તેને પાડી દીધું હતું. જમ્મૂ કાશ્મીરમાં પોલીસે ડ્રોનને તોડી પાડ્યું ત્યારે તેમાં 5 કિલો IED લગાવેલો હતો. જમ્મૂ કાશ્મીર પોલીસે એક ડ્રોન પાડી દીધું છે. આ ડ્રોન અખનૂર વિસ્તારમાં જોવા મળ્યું હતું. તેને જોતાં જ જમ્મૂ કાશ્મીર પોલીસ એક્શનમાં આવી અને એકે 47થી નીકળેલી ગોળીએ ડ્રોનને જમીન પર લાવી દીધું હતું.