કાશ્મીર ઘાટીમાં આતંક સાથે જોડાયેલા સંગઠનોની તાકાત વધી રહી હતી ત્યારે સેનાએ સખત વલણ દાખવતા મોટી સફળતા મળી છે. સેનાએ છેલ્લા કેટલાય સમયમાં આતંકવાદના કમાન્ડરોને ખાતમો કર્યો છે. જુન 2017માં સુરક્ષાદળોએ એક ઉચ્ચસ્તરીય બેઠકમાં કાશ્મીરના ટોપ આતંકીઓનું એક લીસ્ટ તૈયાર કર્યું હતું. જેમાં 12 કમાન્ડરોના નામ જાહેર કરવામાં આવ્યા હતા.
જોકે સેનાએ આ યાદીમાંથી 10ને મોતને ઘાટ ઉતારી દેતા હવે આ લીસ્ટમાંથી બે જ વોન્ટેડ કમાન્ડર બચ્યા છે. દોઢ વર્ષમાં સેનાએ જુનૈદ મટ્ટુ બશીર અહમદ વાની વસીમ શાહ અબુ દુજાના અબુ હમાસ સદ્દામ પદ્દર શોકાત અહમદ ટાક મોહમ્મદ યાસીન ઇતુ અલ્તાફ અહમદ કચરુ અને ઝિનત ઉલ ઇસ્લામને ઠાર માર્યા છે.