જમ્મુ-કાશ્મીર પોલીસને મળ્યા ઈનપુટ 15 પાકિસ્તાની આતંકીઓએ કરી ઘુસણખોરી

જમ્મૂ-કશ્મીરમાં મહબૂબા મૂફ્તીની અપીલ બાદ કેન્દ્ર સરકાર દ્વારા આતંકીઓ સંગઠનો પરના નરમ વલણને લઈને ભારે નુકસાન થતું જોવા મળી રહ્યું છે. તો અતંકી સંગઠનોએ સ્થાનકિ યુવકોને સંગઠનમાં જોડાવા માટે ગતીવિધી તેજ કરી છે. જમ્મૂ-કશ્મીર પોલીસને મળેલા ઈનપુટ મુજબ જૈશ-એ-મહોમ્મદના કોટલાંક આતંકીઓ કૅલગામ શોપિયાં અને પુલવામામાં ખૂબ સક્રીય થયા છે. 

SSP પુલવામા મોહમ્મદ અસલામે જણાવ્યું કે પુલવામા જિલ્લામાં અંદાજે 15 પાકિસ્તાની જૈશ આતંકીઓએ ઘૂસણખોરી કરી છે. જેમાંથી 3 એક્સપ્લોસિવ ડિવાઈસ એક્સપર્ટ છે. તેમણે વધુમાં વાત કરતા જણાવ્યું કે કોટલાંય સ્થાનકિ યુવકોને આતંકી સંગઠનમાં જોડાવા માટે લાલચ આપવામાં આવી રહી છે. ગુપ્તચર એજન્સીના સુત્રો મુજબ આ યુવકોને આતંકી સંગઠનમાં સામેલ કરવા માટેનું કામ મુખ્યરીતે પાકિસ્તાની જૈશ-એ-મોહમ્મદના કમાંડર બાબર કરી રહ્યો હતો. જેને તાજેતરમાં જ સૈન્યના જવાનોએ ઠાર માર્યો છે.

SSPના જણાવ્યા મુજબ બાબર દક્ષિણ કશ્મીરમાં સક્રિય હતો અને ત્રણ વર્ષથી તેણે ઘૂસણખોરી હતી. તેણે આતંકી પ્રવૃતિમાં સ્થાનકિ 19 યુવકોને સામેલ કર્યા હતા. જૈશનો ઘાટી વિસ્તારમાંથી સંપૂર્ણ પણે ખાત્મો બોલાવી દેવામાં આવ્યો છે. પરંતુ હવે પોતાને ફરીથી જીવંત કરવા માટે જૂના હરકત-ઉલ-અંસાર નેટવર્કનો ઉપયોગ કરી રહ્યું છે. ઉલ્લેખનીય છે કો ગત બે વર્ષ દરમિયાન થયેલા હુમલામાં જૈશનું નામ અગ્રેસર છે.