જમ્મુ કાશ્મીર ઘાટીમાં આતંકીઓના સફાયા માટે ભારતીય સેનાનું ઓપરેશન ચાલી રહ્યું છે.
જમ્મુ કાશ્મીરમાં સેનાએ પાર પાડ્યુ ઓપરેશન
બારામૂલામાં લશ્કરનો એક આતંકી ઠાર થયો
આ અભિયાનમાં બે જવાન પણ ઘાયલ થયાં
જમ્મુ કાશ્મીર ઘાટીમાં આતંકીઓના સફાયા માટે ભારતીય સેનાનું ઓપરેશન ચાલી રહ્યું છે. આ જ ક્રમમાં શનિવારે બારામૂલામાં સુરક્ષા દળો અને આતંકીઓ વચ્ચે અથડામણ થયું હતું. આ એન્કાઉંટરમાં એક આતંકી ઠાર થયો હતો, જ્યારે બે જવાન ઘાયલ થયા હતા. જમ્મુ કાશ્મીર પોલીસે જણાવ્યું છે કે, માર્યા ગયેલા આતંકીઓની ઓળખાણ પટ્ટન, બારામૂલાના ઈરશાદ અહમદ ભટ તરીકે થઈ છે. જે મે 2022થી સક્રિય હતો અને પ્રતિબંધિત આતંકી સંગઠન લશ્કર એ તૈયબા સાથે જોડાયેલ હતો. તેની પાસેથી એક એકે રાઈફલ, રે મેગઝીન અને 30 રાઉન્ડ ગોળીઓ જપ્ત કરવામાં આવી છે.
J&K | One terrorist, identified as Irshad Ahmed Bhat of Pattan, Baramulla, was killed in an encounter that started in the Binner area of Baramulla last night. One AK rifle, 2 magazines & 30 rounds recovered: Police
જમ્મુ કાશ્મીર પોલીસે પોતાના નિવેદનમાં જણાવ્યું હતું કે, સુરક્ષાદળોએ જિલ્લાના કરેરી વિસ્તારના વાનીગામ બાલામાં આતંકીઓની હાજરીની સૂચના આપ્યા બાદ ઘેરાબંદી કરીને તપાસ અભિયાન શરૂ કર્યું. આતંકીઓ દ્વારા સુરક્ષા દળો પર ગોળીબાર કર્યા બાદ તપાસ અભિયાન અથડામણમાં બદલાઈ ગયું હતું. સુરક્ષા દળોએ જવાબી કાર્યવાહી કરી, જેમાં એક આતંકી ઠાર થયો હતો. તો વળી સુરક્ષા દળોના 2 જવાન પણ ક્રોસ ફાયરિંગમાં ઘાયલ થઈ ગયા હતા.
આ અગાઉ 6 જૂલાઈના રોજ કુલગામ જિલ્લાના હાદીગામ વિસ્તારમાં સુરક્ષા દળોની આતંકીઓ સાથે અથડામણ થઈ હતી. સુરક્ષાકર્મીઓએ આતંકીઓને ચારેતરફથી ઘેરી લીધા હતા અને ત્યાર બાદ સરેન્ડર કરવા માટે કહ્યુ હતું. કશ્મીર ઝોન પોલીસે જણાવ્યું હતું કે 2 આતંકીઓએ પોતાના માતા-પિતાની અપીલ પર સરેન્ડર કર્યું હતું. તેમની પાસેથી હથિયાક અને વિસ્ફોટક સહિત અન્ય આપત્તિજનક સામાન જપ્ત કરવામાં આવ્યો હતો.