દબદબો / DDC ચૂંટણીઃ કાશ્મીરમાં ગુપકાર તો જમ્મૂમાં કેસરિયો લહેરાયો, જાણો અંતિમ પરિણામ

જો કે ભાજપ માટે સારા સમાચાર એ છે કે તેઓ કાશ્મીર ઘાટીમાં પોતાનું ખાતુ ખોલી નાંખ્યું છે. આ સાથે જ જો કોઇ પાર્ટીની વાત કરીએ તો ભાજપ સૌથી મોટી પાર્ટી બનીને આગળ આવી છે. અંતિમ પરિણામ મુજબ ભાજપને કુલ 74 બેઠક મળી છે, જ્યારે ગુપકાર ગઠબંધનને મળીને 112  બેઠક મળી શકી છે. ગુપકાર ગઠબંધનમાં નેશનલ કોન્ફરન્સ અને પીડીપી સહિત કેટલા પક્ષો સામેલ છે. 
 

કઇ પક્ષને કેટલી બેઠક મળી

ભાજપ  - 74
જેએન્ડ , NC - 67
અપક્ષ - 49
કોંગ્રેસ - 26
જેકેએપી - 12
જેકપીસી - 8
સીપીઆઇ (એમ) - 5
જેકેપીએમ - 3
પીડીએફ - 2
જેકેએનપીપી - 2
બીએસપી - 1

ભાજપ માટે ક્યાથી સારા સમાચાર?

ભાજપ તરફથી આ ચૂંટણીમાં એડીચોટીનું જોર લગાવામાં આવ્યું હતં, જેની અસર પરિણામ પર પણ જોવા મળી. ભાજપ સૌથી મોટી પાર્ટી બની સામે આવી. આ સાધે જમ્મૂ ક્ષેત્રમાં પાર્ટીને 10માંથ 6 જિલ્લામાં બહુમતિ મળી છે. પાર્ટી અહી પોતાનો ડીડીસી ચેરમેન બનાવશે. આ જિલ્લા છે જમ્મૂ, સાંબા, કઠુઆ, ઉધમપુર, ડોડા અને રેસાઇ. 

બીજી તરફ કાશ્મીર ઘાટીમાં થોડા પરિણામે ભાજપના ચહેરા પર હાસ્યની તક આપી છે. મુસ્લિમ જનસંખ્યા ધરાવતા કાશ્મીર ઘાટીમાં ભાજપને 3 બેઠક પર વિજય મળ્યો છે. આ છે શ્રીનગરની ખોનમોહ-2, અહીં ભાજપના એઝાઝ હુસેન જીત્યા છે,  બાંદીપોરામાં એઝાઝ અહેમદ ખાને જીત પ્રાપ્ત કરી છે જ્યારે પુલવામામાં કાકપોરામાંથી મિન્હા લતીફે જીત મેળવી છે. 
 

DDC ની ચૂંટણીમાં 280 બેઠકો પર યોજાઇ હતી ચૂંટણી 

DDC ની ચૂંટણીમાં 2178 ઉમેદવારો મેદાનમાં છે. DDC ની 280 બેઠકો માટે આઠ તબક્કાની ચૂંટણી યોજાઇ હતી. કેન્દ્રશાસિત પ્રદેશના 20 જિલ્લાઓમાં દરેકની 14 બેઠકો છે. ડીડીસીની ચૂંટણીને પ્રદેશ અને ભાજપના અન્ય રાજકીય પક્ષો વચ્ચેની હરીફાઈ તરીકે જોવામાં આવે છે. 

ગયા વર્ષે ઓગસ્ટમાં કલમ 370 રદ કરવામાં આવ્યા બાદ જમ્મુ-કાશ્મીરમાં આ પહેલી ચૂંટણી છે. પ્રથમ તબક્કાના મતદાન 28 નવેમ્બરના રોજ યોજાયું હતું અને આઠમું અને અંતિમ તબક્કો 19 ડિસેમ્બરે યોજવામાં આવ્યું હતું. શાંતિપૂર્ણ રીતે સંપન્ન થયેલી ચૂંટણીઓમાં, કુલ, 57 લાખ પાત્ર મતદારોમાંથી 51 ટકા જેટલા લોકોએ તેમના મતાધિકારનો ઉપયોગ કર્યો હતો.