જમ્મૂ-કાશ્મીર / 14 દિવસ બાદ ખૂલ્યાં સ્કૂલ-કોલેજ, ગેસની થશે હોમ ડિલિવરી

• ઘાટીમાં હજી પણ તૈનાત હજારો સુરક્ષાબળ
• ધારા 370 5 ઓગસ્ટના રોજ હટાવાઇ હતી 

જ્યારે લેન્ડલાઇન સુવિધા પણ ધીરે-ધીરે શરૂ થઇ રહી છે. આ અગાઉ તબક્કાવાર કેટલાક વિસ્તારમાં સુવિધા શરૂ કરવામાં આવી હતી. જેટલા દિવસ સ્કૂલ ખૂલ્યા નથી, તેને લઇને બાળકોના અભ્યાસને નુકસાન ન થાય તે માટે સ્કૂલ-કોલેજ એકસ્ટ્રા કલાસની સુવિધા પણ શરૂ કરશે.

શ્રીનગરમાં 19 ગેસ એજન્સી છે, તંત્ર તરફથી દરેકને ગ્રાહકોના ઘરે હોમ ડિલિવરી કરવાનું જણાવામાં આવ્યું છે, જેના કારણે નાગરિકોને કોઇ મુશ્કેલીનો સામનો ન કરવો પડે. સરહદ પાસેના પૂંછ વિસ્તારમાં પણ આજથી પ્રાથમિક સ્કૂલ ખુલ્યાં છે.
 

Jammu & Kashmir: Schools re-open in RAJOURI district today. pic.twitter.com/l0bnshkDUi

— ANI (@ANI) August 19, 2019

જો કે એવુ અનુમાન લગાવામાં આવી રહ્યું છે કે હાલમાં બંધ બીજી સુવિધાઓ ટૂંક સમયમાં શરૂ થઇ શકે છે. જો કે જમ્મૂના સંભાગના પાંચ જિલ્લા જમ્મૂ, સાંબા, કઠુઆ, ઉધમપુર તથા રિયાસીમાં મોબાઇલ ઇન્ટરનેટ સેવા બંધ કરવામાં આવી છે. જો કે ટેકનિકલ ખામીના કારણે કામચલાઉ બંધ કરવામાં આવી છે. જલ્દી આ સેવા ફરી પુનઃ પ્રાંરભ કરવામાં આવશે.

શ્રીનગરમાં ખૂલી ગઇ સ્કૂલ
શ્રીનગર જિલ્લામાં આજથી સ્કૂલનો પ્રારંભ થઇ ગયો છે, બાળકો સ્કૂલ પહોંચી રહ્યાં છે. સ્કૂલની આસપાસ મોટી સંખ્યામાં સુરક્ષાબળ તૈનાત કરવામાં આવ્યું છે. ઘાટીમાં અંદાજે 14 દિવસ બાદ સ્કૂલ ખૂલ્યાં છે. જેને લઇને બાળકોમાં ઉત્સાહ જોવા મળી રહ્યો છે. 

અફવાઓ પર ધ્યાન ના આપો....
જમ્મૂ-કાશ્મીરના ગૃહ વિભાગ તરફથી આજરોજ એક નિવેદન બહાર પાડવામાં આવ્યું છે. જેમાં પોલીસે જણાવ્યું છે કે એક અફવા ફેલાવામાં આવી છે કે જમ્મૂ-કાશ્મીર પોલીસના હથિયાર જપ્ત કરવામાં આવી રહ્યાં છે, પરંતુ માત્ર આ અફવા છે. ગૃહ વિભાગ તરફતી અપીલ કરવામાં આવી છે કે આવી અફવાઓ પર વિશ્વાસ ન કરશો.